NASIONÁL, HEADLINE

Governu inisia planu intervensaun urjente infraestrutura afetadu kalamidade

Governu inisia planu intervensaun urjente infraestrutura afetadu kalamidade

Kondisaun ponte Uma Tolu ne’ebé kotu hafoin akotese udan-boot no inundasaun iha Viqueque. Imajen/Espesiál

DILI, 27 setembru 2023 (TATOLI)Governu liuhosi reuniaun Konsellu Ministru (KM) ordináriu, kuarta ne’e, aprova projetu rezolusaun Governu no planu intervensaun ho karater urjente ba infraestrutura públika ne’ebé hetan estragu hosi dezastre naturál.

“Konsellu Ministru aprova planu intervensaun ho karater urjente, ne’ebé aprezenta hosi Ministru Obra Públika, Samuel Marçal, hodi reabilita no rekonstrui ho urjénsia infraestrutura ne’ebé afeta hosi kalamidade ne’ebé akontese iha munisípiu ualu hosi loron 02 to’o 07 jullu 2023,” Ministru Prezidénsia Konsellu Ministru, Agio Pereira, relata hafoin reuniaun ezekutivu, iha Palásiu Governu.

Notísia relevante : Komisaun E husu MOP normaliza lalais estrada-ponte ne’ebé hetan estragu

Aleinde ne’e, Konsellu Ministru aprova projetu rezolusaun Governu kona-ba nesesidade vijilánsia no prezervasaun ba sistema abastesimentu bee.

Nunee, Ministériu Obra Públika (MOP) no Bee Timor-Leste (BTL), kontinua tau prioridade hodi rezolve problema abastesimentu ho lais, ho avaliasaun no reabilitasaun infraestrutura hanesan kanalizasaun ezistentr, nune’e mós nia eventuál rekonstrusaun hodi garante fornesimentu bee adekuadu ba populasaun.

“Autoridade públika kompetente sira mós iha responsabilidade hodi koordena inisiativa sensibilizasaun kona-ba importánsia hosi poupa no uzu responsável bee no infraestruturas kanalizasaun nian,” governante ne’e tenik.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!