iklan

EKONOMIA, ERMERA, HEADLINE

Governu fa’an ona foos lokál bá munisípiu ho folin $12

Governu fa’an ona foos lokál bá munisípiu ho folin $12

Administradór munisípiu Viqueque, Januário Soares ‘Bolly’ entrega foos kilograma 25 ho folin $12 ba abitante iha Viqueque, salaun administrasaun munisipál, kuarta (04/10/2023). Imajen Tatoli/Vitorino Lopes da Costa

DILI, 06 outubru 2023 (TATOLI)– Ministériu Komérsiu Indústria liuhosi Sentru Lojístika Nasionál (CLN-sígla portugés) fa’an ona foos lokál ho presu $12 kada saka 25kg iha munisípiu sira.

Notísia relevante : Governu lansa intervensaun merkadu ho foos lokál tonelada 2.300

Hafoin Lansamentu iha loron segunda (02/10), CLN halo intervesaun merkadu iha munisípiu Viqueque, iha loron kuarta (05/10) ho saka 2.000, ne’ebé saka 25kg ho folin $12.

Prezidente CLN, Gervásio Cardoso da Silva de Jesus. Imajen Tatoli/Sérgio da Cruz.

“Ami hahú fa’an ona ona iha munisípiu Viqueque no sei kontinua bá iha munisipiu Ermera iha loron segunda (09/10), hafoin ida ne’e kontinua bá munisípiu seluk. Ami koordena direitamente ho autoridade munisípiu sira atubele fa’an ba populasaun inklui loja balun”, dehan Prezidente Sentru Lojístika Nasionál, Gervásio Cardoso da Silva de Jesus, ba Agéncia TATOLI, iha kna’ar fatin-Dili.

Objetivu fa’an foos ba kada munisípiu ne’e atu responde presu foos ho folin ne’ebé sa’e to’o $18 kada saku 25Kg iha merkadu.

Daudaun ne’e, CLN prepara intervensaun ba foos lokál hamutuk tonelada 2.300 atu fa’an ba munisípiu sira ho kada munisípiu hetan saka 2.000.

“CLN fa’an foos rai saka 2.000 ba munisípiu sira iha territóriu nasionál atubele ajuda populasaun kbi’it la’ek sira hodi hetan kapasidade kompra tanba foos folin sa’e iha merkadu.

Notísia relevante: Governu hahú halo intervensaun folin foos iha Viqueque

Jornalista : Jesuína Xavier

Editor      : Florencio Miranda Ximenes

iklan
iklan

Leave a Reply

iklan
error: Content is protected !!