iklan

BOBONARO, HEADLINE, MUNISÍPIU, SAÚDE

Ai-moruk item rua stoke out iha saúde Bobonaro

Ai-moruk item rua stoke out iha saúde Bobonaro

Diretor Servisu Saúde Munisípiu Bobonaro, João Barreto Cardoso. Imajen Tatoli/Sérgio da Cruz.

BOBONARO, 11 outubru 2023 (TATOLI)-Diretór Servisu Munisipál Saúde, Munisípiu Bobonaro, João Cardoso, hateten ai-moruk esensiál item rua mak stoke out iha farmásia saúde munisipál Bobonaro hahú inísiu fulan outubru ne’e.

“ita iha item rua mak ita stoke out iha fulan-outubru laran ne’e, ida-ne’e mak Diclofenat no Dexametazone ba isin katar no bubu mak laiha, maibé sei iha ai-moruk seluk ne’ebé ita atu subtitui ho item ne’ebé falta, maske ai-moruk ne’ebé mak falta nia kandungan tunggal ne’e di’akliu,  maibé sei iha kombinasaun balu hodi subtitui, temporariamente ita la’o hanesan,” nia informa ba jornalista sira iha Maliana.

Diretór ne’e subliña, daudaun ne’e hato’o ona pedidu online ba nasionál atu responde ai-moruk ne’ebé mamuk.

João hatutan, kona-bá ai-moruk sira seluk hanesan antibiótika importante sira disponivél hela iha aramzein servisu saúde munisipál Bobonaro.

“Ita hahú hosi fulan-setembru to’o agora distribuisaun ai-moruk normál hela, ita-nia komunikasaun ho postu saúde no sentru saúde mós di’ak, kuandu sira iha ai-moruk ne’ebé falta mai foti lalais ita responde kedas, ne’ebé buat hotu sei la’o ho di’ak,” Diretor João dehan.

Enkuantu Servisu Munisipál Saúde, Munisípiu Bobonaro mós haruka ona pedidu ba nasionál atu distribui ai-moruk ba trimestre ikus 2023 nian.

Notísia relevante: Ai-moruk item balun iha saúde Bobonaro stoke out dezde 2022

Jornalista: Sérgio da Cruz

Editór: Evaristo Soares Martins

iklan
iklan

Leave a Reply

iklan
error: Content is protected !!