BOBONARO, 13 Janeiru 2023 (TATOLI) – Diretór Servisu Saúde Munisípiu Bobonaro, João Barreto Cardoso, informa ai-moruk item balun mak stoke out ka mamuk dezde semana dahuluk tinan 2022 to’o agora seidauk hetan distribuisaun hosi Servisu Autónomu Medikamentu Ekipamentu Saúde, Institutu Públiku (SAMES,I.P).
Notísia relevante: SAMES sei halo akizisaun ho tipu medikamentu hamutuk 452
“Sé la sala iha 17 item karik, maibé iha ai-moruk balu mak ninia subtuisaun ne’e iha, ai-moruk haat ka lima, ne’en mak ninia subtuisaun ne’e laiha,” nia informa ba jornalista sira, iha suku Tapo-Memo, postu administrativu Maliana, kinta ne’e.
João hatutan, item ne’ebé mamuk to’o agora mak hanesan aimoruk dexa sirup, salep-matan, salep isin katar nian.
“Ami tenta halo pedidu ba SAMES nasionál mós mamuk, entaun ami la hetan distribuisaun to’o agora, ne’ebé fila-fali ba servisu sentrál, sira halo desizaun halo nusá, ami seidauk hetan, maibé bainbain prosesamentu legál ne’ebé akontese ne’e, sira identifika ai-moruk esensiál loloos ne’ebé falta, sira halo kompra emerjénsia iha farmásia ai-moruk sira iha Dili laran, sé stoke iha sira sosa governu distribui ba fasilidade hotu,” nia tenik.
Enkuantu Munisípiu Bobonaro governu estabelese ona SAMES,I.P rejionál hodi distribui ai-moruk no eskipamentu saúde kobre sentru saúde komunitária hitu no Hospital Referál Maliana (HRM) no fasilidade saúde iha munisípiu Ermera.
Notísia relevante: Saúde Bobonaro prepara ambulánsia rezerva rua atende CHC hitu
Jornalista : Sérgio da Cruz
Editór : Evaristo Soares Martins
