DILI, 16 outubru 2023 (TATOLI)-Komandante Unidade Polisia Maritima (UPM), Superintendente Polísia, Eugénio Pereira, relata iha loron 12 fulan-outubru 2023, nia parte halo ona apreensaun ba kilat-manu hamutuk 20 no sigaru ilísitu hamutuk kaixa 40 ne’ebe hatama ho dalan ilegál iha postu administrativu Atabae, munisípiu Bobonaro.
“Ita nia ekipa UPM foin dadaun iha kinta semana kotuk halo halo apreensaun ba kilat manu hamutuk 20 no sigaru surya12 hamutuk kaixa 40 iha tasi Atabae nian. Sasán sira ne’e ita-nia sidadaun Timoroan na’in-tolu mak hatama hosi Indonézia mai Timor-Leste ho via maritima,” Superintendente Polísia Eugénio Pereira hateten ba TATOLI via telefónika, segunda ne’e.
Notísia Relevante :PNTL Liquiça halo apreensaun kilat manu 21 ne’ebé hatama hosi Indonézia
Tuir relatóriu sasán ilegál ne’ebé prende hosi sidadaun timoroan sira ne’e ho ninia objetivu maka atu lori bá faan iha munisípiu Dili, maibé membru polisia unidade marítima konsege prende hodi halo identifikasaun ba suspeitu sira no entrega ona ba Komandu PNTL Bobonaro.
“Kazu ne’e fráglante Delito, ita asegura de’it suspeitu sira hamutuk ho evidensia sira no entrega kedan ba iha Komandu PNTL munisipiu Bobonaro mak kontinua halo identifikasaun ba sira hodi entrega ba Ministériu Públika,” Nia informa.
Notísia Relevante :PNTL Bobonaro halo apreensaun kilat-manu ualu iha karreta laran
Jornalista: Natalino Costa
Editór : Agapito dos Santos
