iklan

HEADLINE, SAÚDE

Aimoruk kontentór ida tama ona TL hatán ba ‘’stock out’’

Aimoruk kontentór ida tama ona TL hatán ba ‘’stock out’’

Ministra Saúde, Elia dos Reis Amaral. Imajen/ TATOLI

DILI, 18 outubru 2023 (TATOLI) – Ministra Saúde Élia dos Reis Amaral, heteten Institutu Nasionál Farmasia no Produtu Médiku sei responde ba aimoruk ‘’stock out’’ liuhosi aimoruk kontentór ida ne’ebé tama ona iha Timor-Leste.

“Aimoruk horseik kontentór foin tama, ha’u ba to’o iha ne’eba haree, iha mós apoiu ai-han ba inan isin rua sira, aimoruk medikamentu no  mós aimoruk sira ne’ebe ba espesialista sira no aimoruk kontentór ida sei tama tan iha fulan novembru ka dezembru nia laran”, Elia dos Reis Amaral dehan ba jornalista sira iha Palásiu Governu, ohin.

Kona-ba aimoruk anastesia ne’ebé mamuk, ministra hatán, ida-ne’e tékniku sira mak bele responde.

“Kona-ba aimoruk anastesia ida-ne’e, ita sei haree tanba ne’e kestaun tékniku, iha ne’eba aimoruk foin tama kontentór ida”, nia haktuir.

Nia subliña, aimoruk iha pursentu 46 mak disponível iha Institutu Nasionál Farmasia Produtu no Médiku (INFPM), nia konsidera katak aimoruk sei sufisiente atu atende ba iha fasilidade saúde sira.

“Ha’u hanoin estoke mamuk ita iha 452 item, quer dizer 36% ne’e sufisiente hela atu atende ba nesesidade ne’ebé iha, aumezmu tempu ita espera aimoruk bele to’o iha fulan novembru nia  laran ba kompra urjente”, nia informa.

Notísia relevante : Estoke aimoruk mamuk 20% no disponivél iha armajen SAMES 80%

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!