Feto 16 iha Covalima kandidata-aan ba xefe suku
COVALIMA, 18 outubru 2023 (TATOLI)—Sekretáriu Tékniku Administrasaun Eleitorál (STAE) Covalima simu ona lista kandidatura xefe suku hosi postu administrativu hitu (7) no suku 30 iha Covalima ne’e hamutuk 164.
Notísia Relevante: Kandidatu xefe suku iha territóriu nasionál hamutuk 2.117
Diretór STAE Covalima, Francisco Gusmão, hateten hosi kandidatura xefe suku 164 ne’e feto na’in 16 submete dokumentu ba meza asembleia iha sesta (13 outubru 2023) hodi kompete ho mane sira iha eleisaun suku ne’ebé sei realiza iha 28 outubru 2023.
“Prosesu simu kandidatura xefe suku hosi suku 30 iha munisípiu Covalima, iha sesta (13 outubru 2203) hamutuk 164 no hosi númeru ne’e feto na’in-16 ne’ebé kompete ho mane sira iha eleisaun suku,” Francisco Gusmão hateten ba Agencia Tatoli iha nia kna’ar fatin Kampung baru, kuarta ne’e.
Hafoin kandidatura xefe suku submete dokumentu, STAE lori kedas ba nasionál atu kontinua prodús buletin votu ba xefe suku.
Tuir dadus kandidatura xefe suku totál 164 mai hosi postu hitu no suku 30 ne’ebé kompostu hosi mane hamutuk 148 no feto na’in-16.
Hosi postu administrativu Fatululik ne’e iha kandidatu xefe suku hamutuk na’in-12 ne’ebé kompostu hosi mane hamutuk 11 no feto na’in-ida (1).
Iha postu administrativu Fatumea ne’e kandidatu xefe suku iha totál hamutuk 18 ne’e kompostu hosi mane na’in-16 no feto na’in-rua (2).
Hosi postu administrativu Fohorem ne’e kandidatu xefe suku hamutuk na’in-18 ne’ebé kompostu hosi mane na’in-17 no feto na’in-ida (1).
Postu administrativu Maucatar iha kandidatu xefe suku hamutuk na’in-21 ne’ebé kompostu hosi mane na’in-19 no feto na’in-rua (2).
Iha postu administrativuu Suai ne’e kandidatu xefe suku hamutuk 30 ne’ebé kompostu hosi mane na’in 28 no feto na’in-rua (2).
Postu administrativu Tilomar iha kandidatu xefe suku hamutuk 29 ne’ebé komopstu hosi mane hamutuk 22 no feto na’in-hitu (7).
Postua administrativu Zumalai iha kandidatu xefe suku hamutuk 36 ne’ebé kompostu hosi mane 35 no feto na’in-ida (1).
Jornalista : Celestina Teles
Editór : Cancio Ximenes
