PR Horta vizita muzeu Abrahamic Family House-Louvre iha Abu Dabhi
ABUDABI, 18 outubru 2023 (TATOLI)—Prezidente Repúblika (PR), José Ramos Horta, kuarta ne’e, ho delegasaun hala’o vizita ba muzeu Abrahamic Family House ho Louvre iha sidade Abu Dabhi.
Notísia Relevante: Fevereiru 2024: Timor-Leste sei estabelese embaixada iha EAU
Xefe Estadu ne’e hateten, muzeu Loubre ne’e hanesan kontratu muzeu boot Fransa nian, maibé muzeu ne’e sira nian halo kontratu hodi apoiu tékniku no empresta buat ne’ebé rikusoin antigidade oioin bele mai iha ne’e tinan lima ka 10 hafoin fó fila-fali ba Fransa ka balun sira sosa hosi mundu.
“Ita vizita mós fatin relijiozu espirituál tolu, ida Igreja Katólika, ida sinagoga judeu no ida seluk Miskita Mejid musulmanu. Ne’e hatudu rai ida-ne’e simu relijiaun tolu, ne’e di’ak loos no realidade Emeridu Arábe Unidu nunka iha problema radikalzimu,” PR Horta hateten ba jornalista sira hafoin hala’o vizita.
Tuir pájina Abrahamic Family House ne’ebé Ajénsia TATOLI sita katak, Abrahamic Family House mak manifestasaun ba valór diversidade, tuur-hamutuk pasífiku no diálogu iha United Amirate Árabes (UAE), konseitu ida-ne’e to’o iha istória rai nian ne’ebé hamutuk ema ho oin seluk no relijiaun oin seluk.
Muzeu Abrahamic inspira hosi dokumentu fraternidade umana ne’ebé asina hosi Sua Santidade Papa Francisco no Imam Granda Al Azhar Ahmed Al-Tayeb iha 2019, dokumentu ne’e defende diálogu abertu, kompreensaun no assettaméntu hanesan komponente fundamentál iha abordajen ba dezáfiu ne’ebé agora afeta umanidade hotu.
Muzeu Abrahamic hanesan testemuña ba konfiansa ne’e no objetivu atu promove diálogu, kompreensaun no respeitu mutuo iha ema ho fé diferensa.
Instituisaun ne’e oferese espasu hodi ema bele halibur no troka koñesimentu, promove konbivivénsia pasífiku no assettaméntu diversidade.
Misaun uma Abrahamic atu halo kontinuidade ba legadu tradisaun istórika UAE nian atu ema no kultura hamutuk, ho prinsípiu unidade no umanidade komum.
Arkitetura hosi Abrahamic Family Hous ne’e, iha mesjid, igreja, no synagogue, ne’ebé harii ho fasilidade nakloke ba komunidade Islámiku, Kristaun no Judeu atu prátika sira-nia relijiaun respetivu.
Uma tolu ne’ebé fahe materiál ida-idak nian, ho boot no signifikadu ida-idak, ne’ebé inaugura iha loron 16 fevereiru 2023.
Enkuantu, Louvre Abu Dhabi mak hanesan ahi-sinál kultural foun, hodi halibur kultura diferensa liuhosi istória hanesan umanidade nian.
Projetu kultural ne’e hahú iha fulan marsu 2007, United Amirate Árabes (UAE) parseira ho Fransa forma ligasaun ba interkámbiu kulturál, nune’e estabelese Louvre Abu Dhabi iha illa Saadiyat.
Ligasaun ne’e kombina vizionáriu UAE nian ba progresu no abertura kultural ho Fransa nian iha mundu arte no muzeu.
Nia reprezenta dinámika natureza mundu árabe kontemporáneu nian eransa multikulturál vibrante rejiaun nian.
Protokolu rigorozu ho konvensaun UNESCO nian iha tinan 1970 no aseita padraun sira-ne’ebé mak maiória muzeu sira-ne’ebé mak hanesan nia iha mundu.
Obra arte nian sira-ne’ebé hetan aprovasaun akizisaun hosi autoridade Abu Dabhi bazeia ba importánsia istórika arte, kondisaun, proveniénsia no narativa kulturál kona-ba konesaun diversidade istória no jeográfia, hosi era paleotíku to’o loron ida-ne’e.
Jornalista : Nelson de Sousa
Editór : Cancio Ximenes
