iklan

DILI, POLÍTIKA

Deputadu FRETILIN preokupa ho liña internet lentu iha área rurál

Deputadu FRETILIN preokupa ho liña internet lentu iha área rurál

Ilustrasaun Servisu interkoneksaun. Imajen/Espesiál

DILI, 24 outubru 2023 (TATOLI)—Deputadu hosi bankada FRETILIN iha Parlamentu Nasionál (PN), Antoninho Bianco, preokupa liña internet hosi operadór telekomunikasaun tolu iha rai-laran la’o lentu liuliu iha área rurál.

Notísia Relevante: Mudansa core telekomunikasaun TT kauza liña internet lentu

“Ha’u hakarak halo observasaun ba funsionamentu telekomunikasaun, ikus-ikus ne’e Timor Telekom aat liu, Telemor mós hanesan. Ha’u lahatene, depois asesu Timor tomak. Tanbasá, ha’u halo viajen balun kuaze laiha redeem ida-ne’e Governu tenke buka hatene,” Deputadu FRETILIN ne’e levanta liuhosi reuniaun plenária PN, tersa ne’e.

Nune’e, nia husu ba operadór telekomunikasaun sira iha Timor-Leste hanesan Timor Telecom, Telekomcel no Telemor atu responsabiliza.

Vise Ministru ba asuntu Parlamentár, Aderito Hugo da Costa, hateten kona-ba operadór telekomunikasaun asuntu ida sériu presiza tau atensaun duni.

“Ida-ne’e sériu duni tanba iha semana liu ba, ha’u iha Oé-Cusse ne’e Timor Telecom iha ne’eba rede aat loos no sei hato’o ba Autoridade Nasionál Komunikasaun (ANC) ho Ministériu Transporte no Telekomunikasaun atu haree asuntu ne’e sériu duni. Governu mós rejista ba operadór tolu ne’ebé sira-nia kompromisu dezde ita deliberizasaun dezde 2008 no 2009, atu haree oinsá upgrade sira-nia ekipamentu sira-ne’ebé elevadu, nune’e fó serbisu atendimentu telekomunikasaun di’ak ba povu iha territóriu nasionál,” nia dehan.

Nia dehan, Governu mós liuhusi Konsellu Ministru aprova ona guian ida oinsá Ministéiru Transporte no Telekomunikasaun hodi hamutuk entidade relevante no investidór atu interesadu iha fasilidade projeitu kabu submarinu.

Jornalista : Nelson de Sousa

Editór         : Cancio Ximenes

iklan
iklan

Leave a Reply

iklan
error: Content is protected !!