iklan

COVALIMA, HEADLINE

Floresta Covalima apela labele tesi ai no sunu rai iha tempu bailoro

Floresta Covalima apela labele tesi ai no sunu rai iha tempu bailoro

Komunidade kontinua sunu-rai. imajen/Dok.RTTL.E.P

COVALIMA, 27 outubru 2023 (TATOLI) – Floresta Covalima solisita ba populasaun atu labele tesi ai no sunu rai iha tempu bailoron, tanba bainhira udan tau sei hamosu inundasaun, rai halai no seluk tan.

“Ba ha’u-nian inan no aman iha munisípiu Covalima,  iha tempu bailoro ita hotu tenke kuidadu ita-nian rekursu , labele sunu rai, tesi ai tanba fó impaktu mai ita”, Domingos Gusmão hatete iha Kampung Baru, Covalima, ohin.

Dirijente ne’e husu mós inan no aman sira atu labele halo to’os iha área ne’ebé Estadu bandu no husu atu koopera ho guarda floresta sira ne’ebé halo patrullamentu.

“Guarda floresta kontrola sidadaun sira , liuhusi halo patrullamentu no halo sensibilizasaun informasaun ba komunidade, nune’e sira  bele komprende atu labele sunu rai no tesi ai iha área protejida”, realsa.

Funsionáriu guarda floresta iha Covalima hamutuk 39 ne’ebé durante ne’e halo patrullamentu ba área protejida sira.

Sekretáriu Estadu ba Floresta, Bernandinho Vieira,  husu mós ba sidadaun sira atu iha tempu bailoro labele sunu rai no kuidadu flora no fauna .

“Ida ne’e sai rikusoin nasaun ni’an, rikusoin ne’ebé hetan protesaun husi lei. Tenke kuidade área ne’ebé sai hanesan área rezerva, liuliu iha postu administrativu Tilomar, foho Taroman ne’ebé lokaliza iha postu administrativu Fatululik”, afirma.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!