iklan

NASIONÁL, DILI, HEADLINE, SOSIEDADE SIVĺL

FONGTIL rekomenda MAE-STAE hadi’a mekanizmu eleisaun suku

FONGTIL rekomenda MAE-STAE hadi’a mekanizmu eleisaun suku

Diretór Ezekutivu FONGTIL, Valentim da Costa Pinto 'Koko'. Imajen Tatoli/Egas Cristóvão

DILI, 30 outubru 2023 (TATOLI) – Diretór Ezekutivu Forum Organizasaun Naun Governamentál Timor-Leste (FONGTIL), Valentim da Costa Pinto, husu ba Ministériu Administrasaun Estatál (MAE) no Sektretariadu Tékniku Administrasaun Eleitorál (STAE),atu hadi’a mekanizmu eleisaun suku, nune’e ema hotu iha direitu ba votasaun ho di’ak.

“Ita haree sistema manual ne’e prejudika eleitór sira tenke forma kle’ur, asesibilidade laiha ba ema ho defisiénsia, rekrutamentu ba Staff la tuir númeru determinadu no laiha tinta ne’ebé bele hamosu dupla votu,” hatete Diretór Ezekutivu FONGTIL ne’e liuhosi konferénsia impresa iha Caicoli-Dili.

Notísia relevante: Reprezentante povu iha PN lamenta prosesu eleisaun suku 2023

Nia afirma tuir loos polin staff ba kada estasaun votu mínimu na’in-lima, maibé infelizmente na’in tolu deit, ne’e duni susar atende votante barak. Partisipante Servisu tékniku Administrasaun Eleitorál menus liu husi na’in-lima.

FONGTIL identifika mós leitór sbarak la koñese bulletin votu, ne’ebé kontribui ba votu nulu hamutuk 40 hanesan akontese iha aldeia Moris ba Dame iha suku Bairru-Pité. Halo identifikasaun mós kandidatu xefe suku iha Riheu, postu administrativu Ermera munisÍpiu Ermera foto latama iha bulletin, maske naran aprova nu’udar kandidatu.

Notísia relevante: Eleisaun suku ho sistema manuál, MAE sei hadi’a iha segunda ronda

Alende ne’e, Iha munisipiu Dili, postu administrativu Dom-Aleixo, Suku Bairru-Pité, kandidata ba delegada feto hamutuk na’in-tolu, maibé naran hakerek sala hodi prejudika ba eleisaun.

Ho ida ne’e, FONGTIL husu ba Governu liuhosi Primeiru-Ministru hodi bele avalia servisu Ministru Administrasaun Estatál (MAE) ne’ebé responsável ba eleisaun suku no Komisaun Nasionál Eleitorál no STAE, servisu lojistika MAE, iha reforsa ba edukasaun sívika ba ferik-katuas no joven-sira.

Notísia relevante: Kandidatu xefe suku 251 sei avansa ba eleisaun segunda ronda

Jornalista: Jesuína Xavier

Editór      : Florencio Miranda Ximenes

iklan
iklan

Leave a Reply

iklan
error: Content is protected !!