PN autoriza PR Horta vizita Brunei Darussalam no Filipina
DILI, 30 outubru 2023 (TATOLI)—Parlamentu Nasionál (PN), segunda ne’e, liuhosi reuniaun plenária aprova pedidu autorizasaun asentimentu dezlokasaun vizita Estadu Prezidente Repúblika (PR), José Ramos Horta, ba Brunei Darussalam no Filipina ho votu a-favór 32, kontra rua (2) no abstensaun 16.
Notísia Relevante: PR hato’o pedidu autorizasaun ba PN vizita Brunei Darussalam-Filipina-Vietname
“Nune’e, pedidu asentimentu aprovadu,” Prezidente Parlamentu Nasionál, Maria Fernanda Lay, hateten iha sala plenária.
Tuir pedidu Xefe Estadu nian hala’o vizita Estadu ne’e dentru semana ida-nia laran hahú hosi loron 05-08 novembru 2023 iha Brunei Darussalam no loron 09-12 novembru 2023 iha Filipina.
Entretantu, Parlamentu Nasionál tuir termu númeru 1 artigu 80 no alínea h) númeru 3 artigu 95 konstituisaun fó asentimentu deslokasaun Prezidente Repúblika.
Jornalista : Nelson de Sousa
Editór : Cancio Ximenes
