iklan

NASIONÁL, EKONOMIA, HEADLINE

SEKoop sei realiza feira nasionál promove produtu lokál iha dezembru

SEKoop sei realiza feira nasionál promove produtu lokál iha dezembru

Sekretáriu Estadu Kooperativa, Arsénio Pereira da Silva. Imajen/Tatoli

DILI, 30 outubru 2023 (TATOLI)–Sekretaria Estadu Kooperativa (SEKoop) planeia ona hodi realiza feira nasionál iha loron 14 dezembru, durante loron-lima, iha Dili, hodi promove produtu lokál sira ne’ebé prodús hosi grupu kooperativa sira iha territóriu Timor-Leste.

“Iha orsamentu 2023 nian prevee mós atu halo promosaun ba produtu sira, ne’ebé ami planeia ona iha fulan-dezembru tinan ne’e halo lansamentu no feira ba produtu sira ne’ebé ba futuru nomós prodús iha tinan ida-ne’e,” Sekretáriu Estadu Kooperativa, Arsénio Pereira da Silva, hateten, hafoin aprezenta orsamentu SEKoop nian tinan 2024 iha ámbitu Komité Revizaun Orsamentu (KRO), ne’ebé realiza iha auditóriu Ministériu Finansa, Aitarak-laran, segunda ne’e.

Notísia relevante : KRO aprova orsamentu SEKoop millaun $5,2 inklui adisionál

Feira nasionál ne’e sei partisipa hosi Primeiru-Ministru, Kay Rala Xanana Gusmão inklui entidade Estadu sira seluk no grupu kooperativa hotu.

“Produtu ne’ebé sai prioridade liu iha feira nasionál ne’e maka Bafo Kay Rala,” nia akresenta.

SEKoop prevee orsamentu rihun $103 ba feira nasionál ne’e liuhosi orsamentu retifikativu 2023, ne’ebé programa ne’e tama iha programa SEKoop iha loron 120.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!