BOBONARO,31 outubru 2023 (TATOLI)-Komandante Polisia Munisípiu Bobonaro, Superitendenti Xefe Polísia, António Maria de Sá, husu ba komunidade sira iha munisípiu Bobonaro atu kontinua mantein páz durante selebrasaun loron finadu ka loron ba matebian sira-nian, 02 fulan-novembru 2023.
Tuir orariu iha loron 15 fulan-novembru 2023, Governu sei realiza enterkámbiu kulturál ne’ebé hodi envolve partisipasaun Timoroan sira ne’ebé oras ne’e sai ona sidadaun Indonézia ne’ebe hela iha Atambua NTT.
Aleinde ne’e, Timor-Leste mós sei komemora loron proklamasaun independensia 28 novembru 1975-2023, tanba ne’e husu ba komunidade sira iha aréa fronteira atu tulun PNTL hodi asegura seguransa durante eventu hirak la’o iha fulan-oin.
“Iha eventu ne’e sei partisipa mós hosi munisípiu sira seluk no ita-nia maluk sira hosi diáspora mai ne’e entaun presiza duni ambiente ne’ebé mak páz ho dame nune’e ita-nia bainaka sira ne’e mai sira bele sente katak Bobonaro sai duni fatin apropriadu ba sira para realiza atividade interkámbiu ne’e,” Superitendenti Xefe Polísia, António Maria de Sá, hateten ba jornalista sira iha Maliana, tersa ne’e.
Nia dehan atu garante situasaun ne’ebe kontroladu iha loron natal no tinan foun 2024, segunda ne’e, Komandante PNTL Bobonaro, ,” Superitendenti Xefe Polísia, António de Sá hamutuk ho responsavél Sub-Komisaun Reguladora Arte Marsiál (Sub-KRAM) munisípiu Bobonaro bolu ona lider arte-marsiál no rituál hodi husu atu sira fó orientasaun ba sira-nia membru kada grupu arte marsiál atu kolabora no servisu hamutuk ho PNTL hodi asegura páz iha fronteira.
Notísia Relevante:PNTL Bobonaro ho F-FDTL firme asegura eleisaun suku
Liga ho rezultadu eleisaun ba xefe suku nian, António Maria de Sá, agradese ba komunidade hotu-hotu, grupu arte-marsiál, lideransa komunitária no seluk tan ne’ebé fo ona kontribuisaun durante eleisaun suku tanba laiha kazu krime no konflitu mak mosu durante eventu ne’e la’o.
“Iha dezentendimentu oituan-oituan ne’e ita buka rezolve ezemplu hanesan iha parte Memo ne’ebá bainhira ha’u rasik tuun bá terrenu observa ita-nia komandante destakadu sira hala’o atvidade patrulla afastada nia observasaun ba sentru votasaun sira ita konsege deteta ita maluk sira tenta loke jogu entaun ita halo intervensaun imediata ita hapara kedas hodi normaliza situasaun,”Komandante ne’e relata.
Jornalista: Sergio da Cruz
Editór: Agapito dos Santos
