BOBONARO, 03 novembru 2023 (TATOLI)-Iha sesta (03/11) ne’e, maizmenus tuku 11:00, akontese grupu asalta komunidade iha suku Lourba, Postu administrativu Bobonaro, Munisípiu Bobonaro no rezulta uma sia hetan sunu mutuk hafoin akontesimentu.
Xefe suku Lourba, Postu administrativu Bobonaro, Munisípiu Bobonaro, Lino de Jesus, haktuir kazu ne’e nu’udar kontinuasaun hosi akontesimentu taa joven ida iha parte Ukain horseik (02/11) hafoin kari ai-funan iha rate tuku 07:00.
Iha situasaun ne’e, Polísia Eskuadra postu administrativu Bobonaro to’o kedas fatin akontesimentu, maibé la konsege halo atuasaun nune’e husu apoia hosi Batallaun Orden Públika (BOP) no Falintil Forsa Defeza Timor-Leste (F-FDTL) to’o mak grupu refere foin retira.
Notísia Relevante:Joven ida hetan taa hosi ema deskoñesidu iha Lourbaeees
“Ohin dader sekitar jam 11, tama fali, ne’ebé uma sia mak sira sunu. Depois estragus ne’e, iha uma neen, hitu, ida mas ne’e horseik lorokraik kedas. Depois komunidade nia fahi aman bo’ot ida mos sira oho mate,” autoridade lokál Lourba, informa ba jornalista Tatoli, vía telefónika
Tuir informasaun ne’ebé Agência Tatoli asesu katak iha akontesimentu ne’e, komunidade balun evakua on aba fatin Segura.
Nune’e mós, daudaun ne’e parte autoridade Munisípiu Bobonaro no komandante Komando Polisía Munisípiu Bobonaro tuun ona ba terrenu halo enkontru hodi buka solusuan ba problema refere.
Notísia relevante:PNTL Bobonaro husu komunidade mantein páz iha loron finadu
Jornalista: Sergio da Cruz
Editór: Rafael Ximenes de A. Belo
