STAE Covalima verifika buletin votu hetan kandidatu xefe suku Dili nia naran

COVALIMA, 10 novembru 2023 (TATOLI)–Sekretáriu Tékniku Administrasaun Eleitorál (STAE) Covalima, kinta (09/11) ne’e, halo verifikasaun ba buletin votu hetan folla ida ka rua ne’e kandidatura xefe suku hosi minísipiu Díli nia naran, mak sikat leet iha buletin votu hirak seluk nia laran.

Notísia Relevante: STAE distribui ona buletin votu ba eleisaun suku segunda volta

Diretór STAE Covalima Francisco Gusmão hateten, hafoin materiál sensitivu ba eleisaun segunda volta to’o iha Covalima, sira-nia ekipa halo verifikasaun hodi haree didiak buletin votu kandidatura xefe suku snia fotografia no sira-nia naran.

“Ita transporta materiál sensitivu hosi nasionál mai iha Covalima ba eleisaun suku segunda ronda iha kinta (09/11) ne’e. Hafoin ne’e, ita kontinua halo verifikasaun hodi identifikasaun ne’e, ita hetan buletin votu fola ida ka rua mak kandidatura xefe suku hosi munisípiu Dili mak sikat leet iha laran,” Diretór STAE Covalima ne’e hateten ba Agência Tatoli, iha nia kna’ar fatin Kampung Baru, sesta-ne’e.

Prosesu halo verfikasaun ba livru buletin votu, Pesoál STAE Apoiu Suku (PSAS) identifika buletin votu kandidatura xefe suku hosi Munísipiu dili, maibé ida-ne’e ladún fó impaktu ba prosesu tanba STAE simu livru buletin votu bazeia ba totál eleitór iha Covalima.

“Buletin votu folla ida-rua hosi munisípiu seluk tama iha ita-nia munisípiu ida-ne’e la fó impaktu ba ita, tanba kualidade emprime buletin votu ho kualidade, nune’e ita la identifika buletin votu foer ruma,” nia dehan.

Tuir dadus, STAE Covalima transporta materiál sensitivu hosi nasionál mai iha Covalima ho totál buletin votu livru 943 ho totál folla 47,150.

Enkuantu kandidatura xefe suku ne’ebé avansa ba eleisaun líder komunitáriu hamutuk 49 no hosi hosi númeru ne’e kandidatura feto tolu (3) mós avansa ba eleisaun segunda ronda iha 13 novembru 2023.

Tuir dadus, suku hamutuk 271 iha munisípiu 12, Ataúro inklui Rejiaun Adminsitrativa Espesiál Oé-Cusse Ambeno (RAEOA) sei avansa ba Eleisaun Segunda Ronda ronda mak hanesan;