COVALIMA, ELEISAUN

SEDL observa direta sentru votasaun iha Suai no Tilomar

SEDL observa direta sentru votasaun iha Suai no Tilomar

Sekretáriu Estadu Dezenvolvimentu Lokál, Mateus W. dos Santos Tallo, observa direta sentru votasaun eleisaun suku segunda ronda iha Covalima. Imajen/Espesiál.

COVALIMA, 13 novembru 2023 (TATOLI)-Sekretáriu Estadu Dezenvolvimentu Lokál, Mateus W. dos Santos Tallo, observa direta sentru votasaun eleisaun suku segunda ronda iha postu administrativu Suai no postu administrativu Tilomar iha Covalima.

Notísia Relevante: PR Horta iha esperansa xefe suku eleitu serbisu besik liután komunidade

“Ha’u husu ba siguransa no brigada sira-ne’ebé apoiu iha suku no aldeia atu garante nafatin establidade, nune’e prosesu elisaun suku ba segunda volta ne’e bele la’o di’ak. Asegura didi’ak materiál sensitivu tanba ne’e risku. Ohin, ami mai monitoriza atu nune’e bele garante prosesu elisaun ne’e laiha problema,” Governante ne’e hateten liuhosi komunikadu ne’ebé Agência Tatoli asesu, segunda ne’e.

Garante materiál sensitivu atu komunidade bele partisipa másíma iha eleisaun lidér komunitária ba segunda ronda ne’e, hodi hili xefe suku foun ne’ebé tau matan ba povu hodi hala’o sira-nia mandatru durante tinan hitu nia laran.

Sekretáriu Estadu nia prezensa ne’e ovserva direta sentru votasaun sira hanesan iha postu administrativu Tilomar ne’e iha sentru votasaun Casabauk no postu administrativu Suai observa iha sentru votasaun suku Suai Loro iha aldeia Loro no Mane Ikun.

Enkuantu tuir dadus husi STAE Covalima, Kandidatura xefe ne’ebé avansa ba segunda ronda hamutuk na’in-49 hosi suku 24, ne’ebé kompostu hosi feto tolu (3) ne’ebé mai hosi postu administrativu Fatululik ho kandidatura xefe suku feto na’in-ida (1) no postu administrativu Tilomar kandidatura feto na’in-rua (2).

Eleisaun líder komunitária ba segunda volta, STAE Covalima estabelese sentru votasaun 123 tanba foin lalais rezultadu eleisaun suku primeira volta ne’e suku neen (6) la tama iha eleisaun segunda volta.

Nune’e ba eleisaun suku segunda volta iha Covalima ne’e, STAE la estabelese sentru votasaun iha suku sira hanesan Suku Debos, Laktos, Dato Tolu, Mape, Usecai no suku Zulo.

Notísia Relevante: Ohin, Timor-Leste realiza eleisaun suku segunda ronda

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!