COVALIMA, 17 novembru 2023 (TATOLI)—Tékniku Bee Timor-Leste, Empreza Públika (BTL, E.P) hosi nasionál hamutuk ho munisípiu Covalima, sesta ne’e, halo teste bombeamentu bee-matan (pumping test) iha suku Ogues, área auto-estrada, postu administrativu Maucatar, munisípiu Covalima.
“Ita halo pumping test atu hatene débitu bee-moos nune’e bele halo kanalizasaun ba área ne’ebé indika ona. Ita identifika ona área atu fornese bee-moos ba komunidade iha aldeia lokeu foho, suku debos, postu Suai tanba hahú okupazaun Indonezia to’o ohin loron seidauk iha sistema bee-moos,” Koordenadór BTL, E.P hateten iha Bairru Costa.
BTL, E.P Covalima iha polítika halo teste nune’e iha tempu badak bele halo kanalizasaun, maibé Covalima foin dahuluk halo teste bee-matan ne’ebé identifika iha Ogues.
Antes ne’e, empreza COVEC utiliza no sobu ona mákina bomba, nune’e bainhira kompleta foti dadus no relata ona bá nasionál.
Notísia relevante : BTL halo levantamentu dadus ba komunidade falta bee-moos iha Covalima
Dadus ne’ebé BTL,E.P relata ba nasionál iha ona rezultadu no ekipa téknika nasionál mai iha munisípiu atu halo teste bee-matan iha Ogues.
Tuir dadus, populasaun 10.965 hosi uma-kain 1-665 asesu ona bee-moos iha área urbana, munisípiu Covalima.
Jornalista : Celestina Teles
Editora : Julia Chatarina
