iklan

ERMERA

Governu aloka rihun $98 konstrui edifísiu CCLN iha Ermera

Governu aloka rihun $98 konstrui edifísiu CCLN iha Ermera

Osan Dolar Amérika. Imajen/Espesiál

DILI, 20 novembru 2023 (TATOLI)—Sekretáriu Estadu Veteranu, César do Santos “Merak”, hateten Governu aloka $98.635.29 hodi konstrui edifísiu Komisaun Kombatente Libertasaun Nasionál (CCLN, sigla portugál) iha munisípiu Ermera, postu administrativu Gleno.

“Ami fó asina kontratu ba kompañia ne’e katak 31 dezembru tinan ne’e tenke atinje ona progresu fíziku to’o 50% tanba foin mak hahú. Ne’ebé, ita sei kontinua fali iha tinan oin hodi kompleta nia kontrusaun ba 100% nian ho nia orsamentu rihun $90-resin,” César do Santos “Merak” hateten ba Agência Tatoli liuhosi telefónika, segunda ne’e.

Governante ne’e hateten, projetu ne’e kaer hosi kompañia Lacateu Timor Uipesoál, Lda, ho nia orsamento $98.635.29 no durasaun servisu hahú 17 outubru 2023 to’o 31 dezembru 2023.

Aleinde ne’e, nia hateten, iha munisípiu Ermera mós konserva restu mortál hamutuk 7.000-resin.

Antes ne’e, Prezidente Konsellu Kombatente Libertasaun Nasionál (CCLN), Vidal de Jesus “Riak Leman”, hateten edifísiu CCLN foin mak konstrui iha munisípiu Ermera ho Manufahi nian.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!