Top

Governu presiza nomea ona lideransa foun lidera RAEOA

Ponte Noefefan iha Oé-cusse . Imajen/ZEESM

DILI, 22 novembru 2023 (TATOLI)—Deputadu hosi bankada CNRT iha Parlamentu Nasionál (PN), Natalino dos Santos, husu ba Governu liuhosi Primeiru-Ministru (PM), Kay Rala Xanana Gusmão, atu nomea ona lideransa foun hodi lidera RAEOA.

Notísia Relevante: Arsénio Bano no membru autoridade rezigna-an

“Ne’e kompeténsia Governu liuhosi Primeiru-Ministru nian. Se nia rezigna ona, nomeasaun lalais ona hodi kontinua hala’o serbisu sira-ne’e,” Deputadu Natalino dos Santos hateten ba jornalista sira iha uma fukun PN, kuarta ne’e.

Deputada PLP, Maria Angelina Sarmento, hateten ho rezignasaun ne’ebé iha hosi Prezidente RAEOA ho nia adjuntu sira, hanoin Governu iha kondisaun ona atu bele nomea lideransa foun atu labele fó impaktu ba serbisu sira iha RAOEA.

Tanba, nia dehan, alterasaun lei kriasaun RAEOA ne’e PN halo ona aprovasaun iha finál globál no hein Xefe Estadu promulga, bainhira tama vigór Governu iha kondisaun bele hili ema foun tanba ho alterasaun lei foun la’ós nomeasaun hosi PN maibé direta hosi Xefe Governu.

Ho nune’e, Deputada hosi bankada opozisaun ne’e hein katak tempu badak Primeiru-Ministru, Kay Rala Xanana Gusmão, bele nomea ona lideransa foun lidera RAEOA tanba bainhira lori tempu naruk mak sei afeta ha autoridade nia serbisu iha RAEOA.

Notísia Relevante: Nomeasaun ba Autoridade RAEOA foun tarde, bele afeta ba saláriu funsionáriu sira

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!