iklan

NASIONÁL, HEADLINE, POLÍTIKA

Timor-Leste no Indonézia kontinua diskute fronteira terrestre

Timor-Leste no Indonézia kontinua diskute fronteira terrestre

Primeiru-Ministru, Kay Rala Xanana Gusmão. Imajen Tatoli/Francisco Sony

DILI, 30 novembru 2023 (TATOLI)–Primeiru-Ministru (PM), Kay Rala Xanana Gusmão, informa, daudaun ne’e ekipa hosi Indonézia iha hela Timor-Leste hodi halo diskusaun ba fronteira terrestre.

“Informa ba Prezidente Repúblika katak, ekipa Indonézia ne’ebé iha hela ne’e (Timor) sira diskute kona-ba fronteira terrestre, ein prinsípiu katak buat hotu la’o di’ak, bainhira mak atu asina tratadu, ne’e ikus ona tanba ekipa sira ne’e sei bá fali Indonézia hodi informa ba fali sira-nia Governu,” Xanana Gusmão hateten hafoin reuniaun semanál ho Prezidente Repúblika, iha Palásiu Prezidensiál, Bairru-Pité, kinta ne’e.

Notísia relevante : MNEK : Fronteira terrestre ho Indonézia sai asuntu prioridade

Xanana dehan, iha loron 20 to’o 27 novembru 2023 ekipa sira ba to’o Rejiaun Administrativa Espesiál Oé-cusse Ambeno (RAEOA) hodi sukat no marka terrenu.

Aleinde ne’e, iha ona parte balun ne’ebé rezolvidu ona, enkuantu diskusaun ne’ebé daudaun ekipa realiza ne’e hanesan diskusaun téknika ona.

Xanana akresenta, Timor-Leste estabelese ona Sentru Peskiza no Edukasaun Marinu ida iha Illa Ataúru no prepara hela atu deklara bee sira ne’ebé haleu illa parke nasionál ida.

Timor-Leste no Indonézia lokaliza iha Triángulu Ahu Ruin, ne’ebé área ho biodiversidade marinu a’as liu iha mundu.

Illa Ataúru, ne’ebé dok kilómetru 30 hosi kapitál Dili, simu bee biodiversu balun iha mundu.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!