iklan

COVALIMA, HEADLINE

PNTL Covalima bandu sidadaun sira sunu fugete

PNTL Covalima bandu sidadaun sira sunu fugete

Komandante PNTL Covalima, Superintendente Polísia Calisto Gonzaga. Imajen Tatoli/Celestina Teles.

COVALIMA, 01 dezembru 2023 (TATOLI) – Komandante PNTL Covalima, Superintendente Polísia Calisto Gonzaga, husu ba sidadaun sira atu labele sunu fugete iha tempu preparasaun ba hasoru loron natál no tinan foun.

“Ita fó ona atensaun ba sidadaun hotu atu labele sunu fugete iha loron ka kalan no proíbe importa mós. Atu selebra loron boot natál no tinan foun fó ona orientasaun ba polísia komunitária, polísia eskuadra sira no halo koordenasaun ho igreja atu fó avizu ba sidadaun sira labele sunu fugete no importa”, Calisto Gonzaga hatete iha nia servisu fatin, Santa-rosa, ohin.

Komandante PNTL ne’e mós, antes ne’e bolu ona emprezáriu no loja na’in sira ne’ebé iha Covalima hodi fó informasaun atu labele importa fugete no fa’an iha merkadu.

“Hau bolu emprezáriu sira iha Covalima fó hatene katak laiha ema ida atu fa’an fugete no importa. Sei aplika sansaun bazeia ba medida ne’ebé iha bainhira nia hatama mai kontra lei ne’ebé iha”, dehan.

Membru PNTL iha munisípiu Covalima hamutuk 148 ne’ebé balun koloka ba eskuadra hitu no seluk hala’o serbisu iha komandu PNTL.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!