COVALIMA, 01 dezembru 2023 (TATOLI) – Entre janeiru no novembru, Polísia Nasionál Timor-Leste (PNTL) munisípiu Covalima rejista kazu violénsia doméstika, disputa rai no ilísitu hamutuk 90-resin.
“Kazu hamutuk 90-resin kategoriza kazu tolu hanesan ilísitu liuhusi fronteira hanesan importa sigarru ho dalan ilegál no balun mós liuhusi deskamiñu. PNTL mós rejista kazu disputa rai no hafoin rejista entrega kazu disputa rai ba sira-nian advogadu”, Komandante PNTL Covalima, Superintendente Polísia Calisto Gonzaga, hatete iha nia serbisu fatin, Santa Rosa.
Aleinde kazu kontra bandu, PNTL mós rejista violénsia doméstika hanesan integridade fízika no prosesu hirak ne’e balun submete ona ba Ministériu Públiku no seluk iha ona tribunál hodi aplika ona medida koasaun.
“Kazu hirak ne’e ita submete ona no depende ba kondisaun ka nesesidade husi Ministériu Públiku ho tribunál. Balun ita submete ona bainhira Ministériu Públiku halo ona promosaun, ami ba follow up iha tribunál no bainhira kazu barak atu halo julgamentu konserteza depende tuir oráriu julgamentu”, esplika.
Jornalista: Celestina Teles
Editora: Maria Auxiliadora