Governu ezekuta OJE 2023 atinje ona 69%
DILI, 05 dezembru 2023 (TATOLI)—Ministra Finansa (MF), Santina Cardoso, hateten Governu ezekuta Orsamentu Jerál Estadu (OJE) 2023 ne’e atinje ona 69%.
Notísia Relevante: PN aprova proposta Orsamentu Retifikativu biliaun $1,7 iha finál globál
“Ha’u hakarak hato’o ezekusaun orsamentu hosi janeiru to’o novembru, orsamentu ne’ebé mak ezekusaun reál nian (biliaun) $1.176,374,631 ka 69%. Ida-ne’e, ezekusaun orsamentu to’o 30 novembru,” Ministra Finansa, Santina Cardoso, hateten liuhosi audiénsia públika konjunta ho komisaun espesializada sira iha Parlamentu Nasionál kona-ba proposta OJE 2024 iha sala plenária PN, tersa ne’e.
Ezekusaun Orsamentu Jerál Estadu (OJE) 2023 inisiál billaun $2.1, no bainhira hosi janeiru to’o juñu iha oitavu Governu konstituisionál nia ezekusaun cash real ne’ebé ezekuta bainhira IX Governu tama, hosi VIII Governu sira-nia ezekusaun millaun $561,333, 544 ka 29% hosi totál orsamentu.
Ezekusaun iha fulan-jullu agostu hafoin antes orsamentu retifikativu aprova, ezekusaun reál ne’ebé hala’o hosi IX Governu, hosi fulan-jullu ba agostu $218,163,174 ka 11%, no tuir fila-fali hosi setembru no novembru ne’e, ezekusaun orsamentu reál ka cash millaun $396,877,913 ka 23%.
Jornalista : Nelson de Sousa
Editór : Cancio Ximenes
