iklan

DILI

SEI ezekuta OJE 2023 atinje ona 78%

SEI ezekuta OJE 2023 atinje ona 78%

Osan Dólar Amérika. Imajen/Espesiál

DILI, 06 dezembru 2023 (TATOLI)–Sekretária Estadu Igualdade (SEI) ezekuta Orsamentu Jerál Estadu 2023 atinje ona 78%.

“Orsamentu SEI tinan 2023 nian ho montante $2.152,264.00, to’o iha 1 dezembru ne’e ezekuta ona 78%. Atuál 75%, obligasaun 2% no komitmentu 15%, no antes sistema orsamentu taka iha dezembru ne’e, SEI sei atinje nia ezekusaun to’o iha 90% tanba saláriu fulan dezembru no atividade emprime dokumentu balun ne’ebé sei finaliza iha fulan-dezembru nia laran,” Diretór Jerál Sekretária Estadu Igualdade (SEI), Armando da Costa hateten hafoin halo audiénsia ho Komisaun F trata asuntu Saúde, Igualdade Jéneru, seguransa sosíal, iha Parlamantu Nasionál, foin lalais ne’e.

Entretantu OJE 2024 nian ne’ebé hetan ona aprovasaun iha KRO ho montante $2,138,813 ba kategória sira hanesan saláriu no vensimentu $775,247, bens no servisu $836,616, transferénsia públika rihun $300 no kapitál menór $226,950.

“Orsamentu ne’ebé alokadu tuir loloos iha $2,147,053 maibé iha orsamentu hamutuk $8,240 mak ko’a ka hasai hosi Ministériu Finansa ba iha patrimóniu Estadu,” nia dehan.

Nia haktuir, relasiona ho kategória bens servisu no kapitál menór ne’ebé aumenta makaas tanba iha kategória bens servisu ne’ebé antes uza Despechas Com Pesoál ne’ebé inklui osan viajen sira-nian ne’ebé koloka iha saláriu no vensimentu agora fila-fali mai iha kategória bens no servisu, entertantu kapitál menór ne’ebé aumenta makaas iha tinan 2024.

“Tanba SEI atu sosa karreta foun rua, ida ba Sekretária Estadu no seluk ba operasionál. Orsamentu refere mós sei aloka hodi sosa motorizada, komputadór, meza no armáriu ba iha pontu fokál SEI iha postu administrativu sira,” nia dehan.

Jornalista : Osória Marques

Editór         : Cancio Ximenes

 

iklan
iklan

Leave a Reply

iklan
error: Content is protected !!