COVALIMA, HEADLINE

Autoridade Covalima identifika ona sítiu turístiku hamutuk 18

Autoridade Covalima identifika ona sítiu turístiku hamutuk 18

Xefe Departamentu Jestaun Turizmu , Mariano Lopes. Imajen Tatoli/Celestina Teles.

COVALIMA, 11 dezembru 2023 (TATOLI) –  Autoridade Covalima liuhusi Departamentu Servisu Munisipál Jestaun Turizmu identifika ona turizmu komunitária, kulturál no relajiozu hamutuk 18 ne’ebé eziste iha postu administrativu Fatululik, Fatumean, Maucatar, Fohorem no Zumalai.

Xefe Departamentu Jestaun Turizmu, Mariano Lopes, informa katak lokál turístiku iha postu administrativu Fatululik iha haat mak foho Taroman no Motfor, Liurai Tolu nia fatin no edifísiu tuan postu administrativu.

Iha Maucatar iha sítiu turístiku rua mak foho Lakirin no Sadan Lulik, iha Fohorem haat mak Lagoa Lokon Kora, turizmu istóriku 12 de Setembro, Krús Motór no antigu edifísiu postu administrativu Fohorem.

Iha Zumalai eziste fatin haat hanesan We Tudak Bet, tasi ibun Kulu Oan, Sala Asa iha suku Lour no turizmu natureza Soran Japaun no iha Fatumean iha haat mak Gruta Santa Maria Imaculada, Fatuk Kuak Dore Malik, Bee Matan Naturál no turizmu komunitariu kria gazebo.

Husi fatin 18 ne’ebé identifikadu, 12 maka halo ona promosaun bainhira hala’o atividade feira iha Covalima no neen maka seidauk halo promosaun hanesan mak turizmu iha postu administrativu Tilomar.

Tuir planu, iha tinan 2024, Departamentu Jestaun Turizmu sei kontinua halo identifikasaun fatin turizmu komunitária iha postu administrativu Suai nomós Zumalai.

Notísia relevante: Feira 28 novembru iha Covalima promove produtu lokál no turizmu komunitáriu

Jornalista: Celestina Teles

Editora: Maria Auxiliadora    

iklan
iklan

Leave a Reply

iklan
error: Content is protected !!