COVALIMA, HEADLINE

Feira 28 novembru iha Covalima promove produtu lokál no turizmu komunitáriu

Feira 28 novembru iha Covalima promove produtu lokál no turizmu komunitáriu

Feira iha Kampu Ladi, Covalima. Imajen Tatoli/Celestina Teles.

COVALIMA, 22 novembru 2023 (TATOLI) – Administradór Munisípiu Covalima, Francisco de Andrade, halo abertura ba feira hodi komemora Loron Proklamasaun Independénsia Timor-Leste ba dala-48. Espozisaun ne’e promove produtu lokál no fatin turístiku sira ne’ebé eziste iha munisípiu refere.

“Ita loke feira hanesan promove fatin turizmu komunitáriu no produtu lokál hodi anima ita-nian komunidade. Feira ida-ne’e ho nia objetivu mak kria unidade, pás no estabilidade iha Covalima”, Francisco de Andrade hatete iha abertura espozisaun, iha Kampu Ladi, ohin.

Tanba ne’e, autoridade Covalima husu ba sidadaun sira ne’ebé partisipa iha feira durante semana ida, hahú iha 22 to’o 28 fulan-novembru, labele kria problema.

Promosaun ba turizmu komunitáriu ne’e aprezenta husi Servisu Munisipál Jestaun Merkadu no Turizmu Komunitáriu ba fatin sira hanesan Lagoa Lokon Kora ne’ebé lokaliza iha Suku Dato Tolu, postu administrativu Fohorem, Foho Taroman ne’ebé lokaliza iha suku Taroman, postu Fatululik, turizmu istóriku ba monumentu masakre loron 12 fulan-setembru iha suku Laktos, postu Fohorem no foho Lakirin iha Maucatar.

Komemora Loron Proklamasaun 28 novembru ne’e autoridade Covalima aloka $11.878,75.

Iha sorin seluk, Prezidente Komisaun Organizadora 28 Novembru, Damião Amarál, hatete komisaun rejista mós sidadaun sira loke jogu bola guling no kuru-kuru.

“Iha ne’e stand barak liu mak jogu tradisionál bola guling no kuru-kuru. Totál stand hamutuk stand -17 no kuru-kuru ida”, Damião Amarál informa iha Kampu Ladi.

Prezidente komisaun organizadora husu ba sidadaun ne’ebé loke jogu bola guling atu labele hamosu problema. “Bainhira halo problema komisaun sei enserra stand bola guling”, dehan.

Reprezentante Komandante PNTL, Munisípiu Covalima, Inspetór Xefe Polísia, Quintino da Costa, hatete atu garante estabilidade durante feira ne’e, seguransa iha sidadaun ida-idak nia liman, la’os iha Polísia nia liman de’it.

“Ita kria atividade, maibé la garante seguransa no estabilidade hanesan de’it. Seguransa na’in maka ita no mai husi ita”, realsa.

Notísia relevante: Autoridade Covalima aloka rihun $11-resin ba komemorasaun 28 novembru

Jornalista: Celestina Teles

Editora:  Maria Auxiliadora

iklan
iklan

Leave a Reply

iklan
error: Content is protected !!