iklan

POLÍTIKA

PN aprova OJE 2024 ba Prezidénsia Repúblika $10.948.750 iha espesialidade

PN aprova OJE 2024 ba Prezidénsia Repúblika $10.948.750 iha espesialidade

Parlamentu Nasionál (PN) aprova proposta Orsamentu Jerál Estadu (OJE) 2024 ba Prezidénsia Repúblika hamutuk $10.948.750 iha faze espesialidade ho votu a-favór 42, kontra 10 no abstensaun 13, kinta (14 dezembru 2023). Imajen Tatoli/Antonio Daciparu.

DILI, 14 dezembru 2023 (TATOLI)—Parlamentu Nasionál (PN), kinta ne’e, aprova proposta Orsamentu Jerál Estadu (OJE) 2024 ba Prezidénsia Repúblika hamutuk $10.948.750 iha faze espesialidade ho votu a-favór 42, kontra 10 no abstensaun 13.

Notísia Relevante: PN aprova proposta OJE 2024 iha faze jeneralidade ho votu a-favór 43

“Nune’e, pasa iha Orsamentu ba Prezidénsia Repúblika iha espesialidade,” Prezidente Parlamentu Nasionál, Maria Fernanda Lay, hateten liuhosi diskusaun no votasaun ba proposta OJE 2024 faze espesialidade ba loron dahuluk iha sala plenária PN.

Prezidénsia Repúblika iha proposta Orsamentu Jerál Estadu (OJE) 2024 prevee $10.948.750 hodi aloka ba saláriu vensimentu $4.109.971, bens no serbisu $5.538.220, transferénsia públika $1.050.559, kapitál menór no kapitál dezenvolvimentu laiha.

Tuir livru proposta-lei OJE 2024 planu asaun anuál hosi Prezidénsia Repúblika ho programa funsionamentu no dezenvolvimentu instituisionál ho ninia sub-programa rua (2) no atividade sia (9).

Programa reforsa relasaun no kooperasaun internasionál ho sub-programa ida mak vizita nasaun multilaterál ho atividade mak vizita kortezia xefe Estadu Timor-Leste.

Programa fortalesimentu demokrásia, konstitusionalidade, pás, defeza no seguransa ho ninia sub-programa fortalesimentu demokrásia ho atividade ida, sub-programa asegura konstituisionalidade ho atividade rua, sub-programa garante pás, defeza no seguransa nasionál ho atividade lima.

Programa inisiativa dezenvolvimentu Prezidente Repúblika ho ninia sub-programa inisiativa kulturál no desportu ho atividade tolu, sub-programa inisiativa sosiál ho atividade mak atendimentu komunidade vunerável no tratamentu espesiál, atividade inisiativa sensibilizasaun ba nutrisaun ba labarik ho inan, inisiativa edukativa sentrada iha edukasaun primeira infánsia, promosaun inisiativa agríkola, atividade inisiativa empoderamentu feto iha ekonomia, atividade selebrasaun no komemorasaun iha ar livre.

Programa dezenvolve sistema komunikasaun instituisionál  ho Governu ho ninia sub-programa fortalese relasaun interansionál no bilateral ho atividade fortalese relasaun ho Indonézia no Austrália,  atividade vizita Estadu bilateral ba nasaun relasaun diplomátiku no vizita privada hodi atende konvite instituisaun globál no rejionál, atvidade simu kredensiál hosi embaxadór desigandu, nomeasaun no toma pode embaxadór RDTL ba nasaun ho relasaun dipomátiku, enkontru bilaterál ho delegasaun nasaun ho relasaun diplomátiku.

Sub-programa relasaun multilaterál no asuntu eminente ho atividade relasaun diplomátika ho ASEAN, nasaun multilaterál, ONU, WTO, Banku Mundiál, ADB no partisipa iha forum rejionál CPLP, g7+, UE ho sira seluk tan, atividade hanesan eminente laureadu Nobel ba Páz hodi atende konvite ONU, instituisaun globál no rejionál.

Liuhosi diskusaun faze espesialidade ne’e, Deputadu hosi bankada FRETILIN aprezenta proposta atu hasai orsamentu ne’ebé Prezidénsia Repúblika tau iha osan atividade Laureadu Novel da Páz hodi atende atividade ONU ho totál rihun $100, tanba hakarak halo poupansa no labele kahor malu ho atividade Laureadu nian ho Estadu.

Proposta tuir mai husu hasai $1.500.000 iha verba bens serbisu tanba osan antes ne’e aloka iha orsamentu retifikativu 2023 prevee iha kategória hanesan realidade la hatudu efeitu signifikativu hosi gastu kategória refere, nune’e presiza hodi aloka ba asuntu saúde, defisiénsia ne’ebé esensiál liu maibé proposta ne’e la pasa iha plenária.

Jornalista : Nelson de Sousa

Editór         : Cancio Ximenes

iklan
iklan

Leave a Reply

iklan
error: Content is protected !!