Proposta OJE 2024 ba PCM $12.543.437 aprovadu iha espesialidade

DILI, 14 dezembru 2023 (TATOLI)-Parlamentu Nasionál (PN), kinta ne’e, aprova proposta Orsamentu Jerál Estadu (OJE) 2024 ba Prezidénsia Konsellu Ministru (PCM, siglá portugés) $12.543.437 ho votu a-favór 43, kontra 16 no abstensaun lima (5).
Notísia Relevante: PN aprova proposta OJE 2024 iha faze jeneralidade ho votu a-favór 43
“Nune’e, orsamentu pasa,” Prezidente Parlamentu Nasionál, Maria Fernanda Lay, hateten liuhosi diskusaun no votasaun ba proposta OJE 2024 faze espesialidade ba loron dahuluk iha sala plenária PN, kinta ne’e.
Prezidénsia Konsellu Ministru (PCM, siglá portugés) iha proposta OJE 2024 prevee $12.543.437 hodi aloka ba saláriu vensimentu $5.992.168, bens no serbisu $3.025.986, transferénsia públika $2.345.283, kapitál menór $100.000 no kapital dezenvolvimentu $1.080.000.
Tuir livru proposta-lei OJE 2024 planu asaun anuál hosi PCM tau prioridade ba programa funsionamentu no dezenvolvimentu instituisionál ho ninia sub-programa dezenvolvimentu instituisionál ho atividade hitu, sub-programa apoiu ba Primeiru-Ministru iha koordenasaun Governu no iha Prezidénsia Konsellu Ministru ho atividade ida.
Programa polítika estratéjia nasionál ho sub-programa apoiu ba Primeiru-Ministru iha koordenasaun Governu no iha Prezidénsia Konsellu Ministru ho atividade tolu, sub-programa governasaun legál Konsellu Ministru ho atividade koordenasaun apoiu no konsulta jurídiku Konsellu Ministru, koordenasaun prosedimentu lejislativu no regulamentu Governu, mapa tramitasaun prosesu lejislativu, garantia serbisu kontensiozu PCM.
Ezekusaun polítika Governu iha mateira reforma rejislativa, analiza no preparasaun projetu diploma legál no regulamentu Governu ezekusaun polítika Governu iha matéra reforma lejislativa, preparasaun ajenda no redasaun reuniaun Konsellu Ministru, sub-programa prestasaun serbisu tradusaun ho atividade haat, sub-programa polítika públika ho atividade rua, sub-programa efikásia ajudu externa ho atividade haat.
Sub-programa koordenasaun projetu estratéjiku ho atividade haat, sub-programa komunikasaun estratéjia Governu no promosaun sidadania ho atividade lima, sub-programa asuntu parlamentár ho atividade koordenasaun asuntu parlamentár, relasaun públika no dokumentasaun, diplomásia parlamentár no sub-programa kooperasaun no parseira ho atividade rua.
Programa dezenvolvimentu setór komunikasaun sosiál ho ninia sub-programa dezenvolve mekanizmu lejislasaun, regulamentasaun no regulasaun ho nia atividade mak dezenvolve enkuadramentu legál no regulasaun, sosializasaun lejislasaun iha área komunikasaun sosiál.
Sub-programa diversifika no fortalese meiu komunikasaun sosiál ho nia atividade estimula no fortalese meiu komunikasaun sosiál, apoiu rádiu komunitáriu, estabelese rede sentru informasaun nível suku, instala rede televizaun dijitál terrestre.
Sub-programa kapasitasaun jornalista no fortalesimentu koezaun sosiál ho nia atividade asegura formasaun kontinua espesializadu ba jornalista, apoiu inisiativa kontribui ba dezenvolvimentu setór komunikasaun sosiál, promove literásia mediatika, asegura estájiu profisionál no interkámbiu ba jornalista nasionál, promove inkluzaun iha setór komunikasaun sosiál.
Sub-programa superintendénsia no tutela órgaun komunikasaun sosiál Estadu ho nia atividade garante serbisu rádiu Metro FM no supervizaun serbisu RTTEL, E.P no TATOLI, I.P, mobilizasaun rekursu apoiu ba meiu komunikasaun sosiál públiku.
Programa dezenvolve sistema komunikasaun instituisionál Governu ho sub-programa dezenvolve sistema komunikasaun interna Governu ho atividade rua, sub-programa desiminasaun informasaun ba públiku ho atividade haat.
Jornalista : Nelson de Sousa
Editór : Cancio Ximenes

