PN aprova orsamentu ba ministériu neen ho votu a-favór 47

DILI, 15 dezembru 2023 (TATOLI)—Parlamentu Nasionál (PN), sesta ne’e, aprova proposta Orsamentu Jerál Estadu (OJE) 2024 ba ministériu neen ho votu afavór 47.
“Rezultadu votasaun Orsamentu Jerál Estadu (OJE) 2024 ba Ministériu Transporte no Komunikasaun a-favór 47, kontra rua (2) no abstensaun 16, ne’e pasa,” Prezidente Parlamentu Nasionál, Maria Fernanda Lay, hateten liuhosi debate ba proposta OJE 2024 iha faze espesialidade ba loron daruak iha sala plenária PN, sesta ne’e.
Orsamentu ba Ministériu Transporte no Komunikasaun (MTK) iha proposta OJE 2024 ne’ebé prevee $12.147.630 hodi aloka ba saláriu bensimentu $ 3.150.647, bens no serbisu $ 5.428.108, transferénsia públika $1.749.500, kapitál menór $134.150 no kapitál dezenvolvimentu $1.685.225.
Hosi orsamentu ne’e aloka ba programa transporte $ 3.341.227, programa funsionamentu no dezenvovimentu instituisionál $4.952.107, programa serbisu postál $416.991, programa inkluzaun sosiál $33.180, programa teknolojia informasaun no komunikasaun $2.810.634 no programa meteorolojia no jeofízika $593.491.
Deputadu sira aprova mós proposta OJE 2024 ba Ministériu Turizmu no Ambiente $11.069.826 ho votu a-favór 47, kontra haat (4) no abstensaun 14.
Hosi $11.069.826 ne’e hodi aloka ba saláriu vensimentu $4.730.779, bens no serbisu $4.689.047, transferénsia públika $745.000, kapitál menór laiha no kapitál dezenvolvimentu $905.000.
Hosi orsamentu ne’e aloka ba programa funsionamentu dezenvolvimentu instituisionál $4.743.689, programa protesaun no konservasaun ambiente $2.096.573, programa turizmu $4.229.564.
Nune’e mós, deputadu sira mós aprova proposta OJE 2024 ba Ministériu Komérsiu no Indústria (MKI) hamutuk $8.187.392 ho votu a-favór 47, kontra lima (5) no abstensaun 13.
Hosi orsamentu $8.187.392 ne’e hodi aloka ba saláriu vensimentu $3.043.043, bens no serbisu $5.044.349, transferénsia públika $100.000, kapitál menór ho kapitál dezenvolvimentu laiha.
Hosi orsamentu ne’e aloka ba programa funsionamentu no dezenvolvimentu instituisionál $3.414.959, programa investimentu no diversifikasaun ekonomika $4.772.433.
PN aprova mós proposta OJE 2024 ba Ministériu Dezenvolvimentu Rurál no Abitasaun Komunitária (MDRK) hamutuk $13.150.000 ho votu a-favór 47, kontra rua (2) no abstensaun 16.
Hosi orsamentu $13.150.000 ne’e hodi aloka ba saláriu bensimentu $2.796.367, bens no serbisu $1.803.633, transferénsia públika $3.500.000, kapitál menór $800.000 no kapitál dezenvolvimentu $4.250.000.
Hosi orsamentu ne’e aloka ba programa funsionamentu no dezenvolvimentu instituisionál $3.892.858, progama rebitalizasaun komunitária $4.830.117, programa inplementasan abitasaun komnitária digna $4.427.025.
PN aprova mós proposta OJE 2024 ba Ministériu Agrikultura, Pekuária Peska no Floresta (MAPPF) hamutuk $30.694.052 ho votu a-favór 47, kontra rua (2) no abstensaun 16.
Hosi $30.694.052 hodi aloka ba saláriu vensimentu $9.426.841, bens no serbisu $9.284.942, transferénsia públika $459.007, kapitál menór $4.827.575 no kapitál dezenvolvimentu $6.695.687.
Hosi orsamentu ne’e aloka ba progama funsionamentu no dezenvolvimentu instituisionál $8.212.465, programa jestaun sustentável rekursu naturál, utilizasaun no konservasaun $947.552, programa prosesamentu pos-kolleta, armajenaemntu, asesu merkadu no agregasaun valór $918.280, programa aumenta sustentável produtividade no produsaun $20.615.755.
Enkuantu iha diskusaun proposta OJE 2024 ba ministériu neen ne’e laiha proposta hosi Deputadu sira no laiha mós pedidu esklaresimentu hosi Deputadu sira, nune’e prosede direta votasaun ba kada ministériu.
Jornalista : Nelson de Sousa
Editór : Cancio Ximenes

