COVALIMA, HEADLINE

Profesór kontratadu 266 iha Covalima elejivel ba rejime espesiál

Profesór kontratadu 266 iha Covalima elejivel ba rejime espesiál

Diretór Servisu Edukasaun Munisípiu Covalima, Francelino Freitas Carvalho. Imajen Tatoli/Celestina Teles.

COVALIMA, 15 dezembru 2023 (TATOLI) –  Manorin kontratadu 266 iha Covalima mak goza ona sira-nian direitu ba rejime karreira dosente tanba kumpre ona rekizitu husi Ministériu Edukasaun no naran sira ne’e publika ona iha Jornál Repúblika.

Diretór Servisu Edukasaun Covalima, Francelino Carvalho, informa katak iha profesór kontratu hamutuk 339, maibé na’in-266 mak elejivel ba rejime refere no restu naran laiha ne’e daudaun entrega ona sira-nian dokumentu ba iha rekursu umanu edukasaun Covalima.

“Profesór kontratadu na’in-266 ne’ebé maka elejivel ba rejime espesiál ne’e hein atu simu pose no hein de’it desizaun husi Ministériu Edukasaun”, diretór ne’e realsa.

Lista profesór 266 ne’ebé elivijel ba rejime espesiál ne’e kompostu feto 142 no mane 124 husi ensinu pré-eskolár na’in-11, ensinu rekorrente na’in-rua, ensinu báziku 201, sekundáriu 24 no tékniku vokasionál 23. Lista ne’e mós inklui manorin na’in-lima husi munisípiu seluk.

Tuir Dekretu-lei númeru 31/2023, 31 maiu, kona-ba Estatutu Karreira Edukadór sira ba infánsia, ensinu báziku no ensinu sekundáriu (Estatutu karreira dosente nian) katak bainhira manorin ida atu hetan sira-nian direitu ba rejime espesiál sira tenke prienxe kritériu ne’ebé hatuur ona katak mínimu manorin ida tenke baxarelatu depois sei iha mós avaliasaun dezempeñu hahú husi tinan rejistadu 2021-2022.

Dadus husi ME hatudu katak profesór hamutuk 5.009 maka tama ona iha lista, maibé husi númeru refere manorin na’in-4.089 maka hakat ona ba rejime espesiál, husi númeru ne’e 820 husi Dili mak foin lalais toma ona pose sai permanente. Tanba ne’e, ME liuhusi rekursu umanu halo hela esforsu hodi kontinua loke tan prosesu inskrisaun ba profesór kontratadu iha faze daruak nune’e bele tama iha rejime espesiál.

Notísia relevante: Opsaun rua ba profesór kontratadu ne’ebé seidauk elejivel ba rejime espesiál

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!