DILI, 21 dezembru 2023 (TATOLI)–Servisu Rejistu no Verifikasaun Emprezariál, Institutu Públiku (SERVE,I.P), servisu hamutuk ho Autoridade Tributária no Autoridade Aduaneira (Alfándega) durante tinan 10 hahú 2013 to’o 2023 rekoilla ona reseita hamutuk millaun $180 dollar amerikánu ba kofre Estadu.
Diretór Ezekutivu SERVE,I.P, Florêncio Sanches, hateten taxa ne’e rekoilla pursentu 20 hosi kompañia nasionál no internasionál hamutuk 46.000 maka durante ne’e selu impostu ba kofre Estadu.
Notísia Relevante :SERVE Covalima arrekada reseita $7.332
“Hahú 2013 to’o mai novembru 2023 ita konsege rekolla reseita doméstika hamutuk millaun $180 hosi kompañia 46.000 ne’ebé ita rejistu,”Florêncio Sanches, relata ba Agência Tatoli, iha nia knaar-fatin Hudi-laran Dili, kinta ne’e.
Tuir relatóriu servisu 2023 nian katak hosi fulan-janeiru to’o novembru 2023 SERVE,I.P konsege rejistu ona kompañia kompañia nasionál no internasionál foun hamutuk 5.014.
“Reseita doméstika ne’ebé ita hetan ne’e importante tebes tanba ita hotu hatene posu ba Bayu-Undan hahú maran ona entaun ita presiza tebes dezenvolve reseita dométiku, ne’ebé SERVE,I.P servisu hamutuk ho Autoridade Tributária no Autoridade Aduneira kada tinan ita konsege rekolla reseita maizumenus milliaun $100 resin to’o milliaun $200.000,” nia relata.
Hosi kompania foun 5.014 ne’ebé maka rejistu iha SERVE,I.P, mai ho emprezáriu individual (ENIM), sole trader or sole proprietorship, Sosiedade Unipessoal por Quotas Limitada Unipessoal Lda ka sigle shareholder withlimited liability, Sosiedade por quotas limitada (Lda) ka join shareholder with limited liability, Sosiedade Anónima (S.A) ka Join Stock Company, Reprezentasaun Permanente (R.P) no Emprezária Públika (E.P) state-owened company.
Notísia Relevante :SERVE Ainaro rekolla reseita $4,340 ba kofre Estadu
Jornalista : Arminda Fonseca
Editora : Agapito dos Santos
