TL-Malázia sei realiza SEOM atu identifika hamutuk asuntu pendente
DILI, 21 dezembru 2023 (TATOLI) – Ministru Negósiu Estranjeiru no Kooperasaun (MNEK), Bendito Freitas, hala’o enkontru kortezia ho Embaixadór Malázia iha Timor-Leste, Amarjit Singh Sarji hodi ko’alia kona-ba asuntu bilaterál entre nasaun rua.
“Ita ho Diplomata Malázia ne’e diskute asuntu bilaterál entre Timor-Leste ho Malázia, tanba iha tinan 2024, nasaun rua ne’e sei realiza dahuluk Enkontru Senior Ofisiál ka Senior Official Meeting (SEOM),” hatete iha komunikadu ne’ebé Agência TATOLI asesu hosi media MNEK, ohin.
Notísia relevante:Investór Malazia hakarak investe iha TL
Objetivu hosi Reuniaun Seniór Ofisiál ka SEOM ne’e mak atu identifika hamutuk asuntu balun ne’ebé to’o oras ne’e sei pendente hela, atu nune’e Timor-Leste ho Malázia bele ko’alia fila-fali no reforsa liután relasaun diplomátika no kooperasaun bilaterál entre nasaun rua ne’e nian iha futuru.
Entretantu, Timor-Leste ho nasaun membru plena organizasaun aziátika, Malázia ne’e, estabelese kooperasaun bilaterál bainhira Timor-Leste independénsia to’o ohin loron.
Notísia relevante:Xanana no investidór Malázia diskute posibilidade investimentu
Jornalista: Hortencio Sanchez
Editór: Rafael Ximenes de A. Belo
