iklan

NASIONÁL, HEADLINE, KAPITÁL

PM Xanana apela joven respeita natál hodi hatudu domin ba família

PM Xanana apela joven respeita natál hodi hatudu domin ba família

Primeiru-Ministru, Xanana Gusmão. Imajen Tatoli/Francisco Sony

DILI, 22 dezembru 2023 (TATOLI)– Primeiru-Ministru (PM), Kay Rala Xanana Gusmão, apela ba públiku liu-liu ba juventude Timor-Leste sira kontrola aan atu labele provoka malu, maibé buka selebra loron natál ho hakmatek hodi kontribui ba paz no estabilidade seguransa iha Timor-Leste.

“Husu ba joven sira hotu, respeita natál hodi hatudu domin ba imi nia família rasik mós, nune’e ita hotu katak, to’o tinan foun 2024 mai, Timor-Leste bele hatudu ba mundu katak, ita hakiak duni dame, tanba ita hadomi malu. Nune’e duni, Boas Festa Santo Natál ba povu tomak, liu-liu ba joven sira, dejezu ksolok ho nafatin dame bele buka hadia ita-nia rain,” Xanana hato’o apelu ne’e, hafoin reuniaun ho Prezidente Parlamentu Nasionál, Maria Fernanda Lay, iha Parlamentu sexta ne’e.

Xefe Governu dejezu natál kmanek ba povu Timor-Leste hodi simu festa tinan foun 01 janeiru 2024 ho domin, dame no haksolok kontribui ba dezenvolvimentu Timor-Leste.

“Aproveita tempu natál, dejeza ba povu tomak, natál kmanek ida. Natál tempu ida ne’ebé hosi kedas familia ba to’o komunidade ba to’o aldeia, suku no fatin hotu iha Timor-Laran tomak, ita buka hadutu domin, buka hatudu dame, tanba natál loron familia ninian,” nia tenik.

PM Xanana mós agradese ba partisipasaun juventude sira hodi tuir kumpetisaun prezepiu natál ne’ebé Governu no Prezidensia Repúblika loke ba joventude sira iha suku no munisípiu hodi halo prezepiu tuir idak-idak ninia kreatividade.

Jornalista : Antónia Gusmão

Editór: Rafael Ximenes de A. Belo

iklan
iklan

Leave a Reply

iklan
error: Content is protected !!