DILI, 03 janeiru 2024(TATOLI) – Diretór Jerál Servisu Rejistu Notariadu (DGSRN), João Fernando Martins Borges, hateten, prosesu atendimentu ba Billete Identidade (BI) no Sertidaun Moris iha nivél nasionál no munisípiu la’o normál hela.
“Atendimentu públiku ba BI no Sertidaun Moris iha notariadu nasionál no munisípiu kontinua la’o normál, ezetu atendimentu ba kaderneta passaporte mak ita labele halo tanba stock ba kaderneta passaporte hotu”, João Fernando ba jornalista sira iha nia kna’ar-fatin, Colmera, kuarta ne’e.
Notísia relevante:Sidadaun 58.380 iha Covalima seidauk iha sertidaun moris no billete identidade
João desmente ho informasaun balun ne’ebé hateten katak atendimentu iha notariadu nasionál la la’o tanba mákina produsaun Billete Identidade avaria.
“Mákina la avaria, ita-nia atendimentu ba BI no Sertidaun Moris iha ne’e kontinua la’o normál no la iha problema ruma”, nia dehan.
Notísia relevante:MJ sei instala servisu notariadu iha diáspora
Jornalista: Natalino Costa
Editór : Zezito Silva
