COVALIMA, HEADLINE

PNTL Covalima kontribui $23.288 ba kofre

PNTL Covalima kontribui $23.288 ba kofre

Dólar amerikanu. Imajen/Espesiál

COVALIMA, 08 janeiru 2023 (TATOLI) – Komandu Polísia Nasionál Timor-Leste (PNTL) munisípiu Covalima, liuhusi seksaun tránzitu, arrekada entre janeiru no dezembru 2023, koima $23.288 ba kofre Estadu.

Komandante PNTL munisípiu Covalima, Superintendente Polísia, Calisto Gonzaga, hatete seksaun tránzitu Covalima rekolla koima liuhusi halo asaun pasa revista 500-resin iha postu administrativo hitu. Koima ne’e tanba sidadadaun sira viola lei kódigu estrada tanba karreta no motorizada laiha dokumentu.

“Ita kontribui ona koima $23.288 ba kofre Estadu ne’ebé sidadaun sira selu ona, maibé balun seidauk selu hamutuk $697, tanba seidauk aprezenta resibu husi banku ba komandu”, Superintendente Polísia hato’o iha nia serbisu Santa Rosa, ohin.

Ba sidadaun sira ne’ebé seidauk selu multa, PNTL sei la husik sira livre, tanba sira-nian motorizada no karreta sei asegura iha komandu, bainhira sira selu ona iha banku mak foin bele entrega fali ba sira.

Aleinde kontribui reseita ba kofre Estadu, komandante mós relata atividade operasaun polisiál rihun ne’ebé hala’o ona hodi halo prevensaun ba krime iha Covalima.

Tuir planu, iha 2024, Komandu PNTL Covalima hakarak hala’o atividade operasaun polisál liu rihun, maibé tanba falta kombustivél, transporte no rekursu umanu, nune’e loron ida sei halo patrullamentu dala ida.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!