DILI, 09 jeneiru 2024 (TATOLI)—Ministériu Transporte no Komunikasaun (MTK) liuhosi Diresaun Nasionál Transporte no Terrestre (DNTT) sosa ona blanku ba karreta no motór hamutuk 44.000, iha tinan 2023.
“Blanku hirak ne’e atu prosesa livreti ba karreta no motór hamutuk 44.000,” Diretora Nasionál Transporte no Terrestre, Maria Antónia, informa ba Agência Tatoli iha ninia knaar fatin, Balide, tersa ne’e.
Notísia relevante : DNTT hahú distribui blanku karta kondusaun karreta no motór iha Dili
Blanku ne’e rasik sosa hosi rai-li’ur ho montante kustu $76.000, ne’ebé daudaun ne’e sei kontinua distribui hela no planu ba tinan 2024 mak seidauk.
Enkuantu, DNTT rasik mós prodús blanku ba karreta kondusaun karreta no motór hamutuk 62.000 iha tinan 2022, hodi distribui iha munisípiu haat hanesan, Dili, Ermera Manufahi, Baucau, Bobonaro no Viqueuqe.
Jornalista : Arminda Fonseca
Editora : Julia Chatarina
