iklan

NASIONÁL, HEADLINE

Prezidente Autoridade Munisipál hetan direitu remunerasaun mensál $ 1.750

Prezidente Autoridade Munisipál hetan direitu remunerasaun mensál $ 1.750

Primeiru-Ministru, Kay Rala Xanana Gusmão, prezide reuniaun Konsellu Ministru, iha Palásiu Governu, kuarta (10/01/2024). Imajen Tatoli/Francisco Sony

DILI, 10 janeiru 2024 (TATOLI)—Ministru Administrasaun Estatál, Tomás do Rosário Cabral, aprezenta projetu dekretu Governu ne’ebé estabelese remunerasaun ba Prezidente Autoridade Munisipál, iha ámbitu reuniaun Konsellu Ministru ordinária, kuarta ne’e.

“Prezidente Autoridade Munisipál sei iha direitu ba remunerasaun mensál ilíkida ho valór $1.750,” refere nota ne’ebé Agência Tatoli asesu hafoin reuniaun ezekutivu, iha Palásiu Governu, kuarta ne’e.

Notísia relevante : Governu nomeia Prezidente Autoridade foun Ainaro, Manatutu no Manufahi

Diploma ida-ne’e prevee ona iha númeru 2 hosi artigu 24.º dekretu-lei númeru 3/2016, loron 16 marsu, tuir redasaun ne’ebé aprezenta hosi dekretu-lei númeru 84/2023, loron 23 novembru, hodi estabelese remunerasaun ba Prezidente Autoridade Munisipál sira tanba haree ba grau responsabilidade no sei fó impulsu ba prosesu desentralizasaun territoriál, ne’ebé sei implika aumentu ba rekursu materiál, orsamentál no umanu.

Dekretu Governu ida-ne’e sei tama iha vigór iha loron tuirmai hafoin ninia publikasaun no sei hahú vigora iha loron 1 janeiru 2024.

Revoga ona dekretu Governu númeru 3/2016, loron 6 abríl, ne’ebé altera hosi dekretu Governu númeru 20/2021, loron 11 agostu.

Jornalista     : Antónia Gusmão

Editora          : Julia Chatarina

iklan
iklan

Leave a Reply

iklan
error: Content is protected !!