iklan

BAUCAU, HEADLINE, MUNISÍPIU, SAÚDE

Ai-moruk item 43 stock out iha Baucau

Ai-moruk item 43 stock out iha Baucau

Prezidente Komisaun Organizadora ba loron restaurasaun independénsia tinan-2023 atúal Diretór Serbisu Munisipál Saúde Baucau, Domingos Reinaldo da Costa Guterres. Imajen Agênsia TATOLI/Natalino Belo.

BAUCAU, 11 janeiru 2024 (TATOLI) – Ai-moruk hamutuk item 43 stock out iha munisípiu Baucau.

Diretór Serbisu Munisipál Saúde Baucau, Domingos Reinaldo da Costa Guterres, esplika, maske stoke out maibé la’ós ai-moruk esensiál tanba ai-moruk item stock out la ketegoria ba esensiál tanba hodi responde de’it bá atendementu ospitalár nian.

“Stock out ne’e ladún esensiál maibé iha parte sira-ne’ebé internamentu sira, ai-moruk hirak-ne’e ba liu ospitál hodi atende ba doutór espesialista sira-nia,” Diretór Serbisu Munisipál Saúde Baucau informa ba Agênsia TATOLI iha Vila Antiga, kinta ne’e.

Prosesu distribusaun ai-moruk ba sentru no postu saúde sira iha maneira rua hanesan regulár kada fulan-tolu no pedidu emerjénsia ne’ebé bazea de’it ba nesesidade iha baze.

Domingos Guterres, husu atu SAMES.IP atu esforsu ho maneira aselara no kreativa tanba maneira pedidu alende manuál liuhosi mós maneira online nune’e antes pedidu to’o parte distribusaun hatene ona kuantidade ai-moruk hosi kada sentru no postu sira.

Tuir dadus ai-moruk stock out item 43 fahe ba kategória tolu hanesan médiku jerál item 27, konsumables hamutuk item ida no sutere hamutuk item 16 kompostu amoxilin, altenolol, aluminium hydroxide, multivitamina, ibuprofen, hyocine, nystatin oral, grisiovulin no seluk tan.

Notísia relevante: Profisionál Saúde na’in-139 hosi Baucau la kontinua kontratu

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!