iklan

NASIONÁL, DILI, KAPITÁL

APC rejista uma-kain 432 afetadu ba inundasaun no na’in-ualu kanek 

APC rejista uma-kain 432 afetadu ba inundasaun no na’in-ualu kanek 

Akontese udan bo'ot iha kapital Dili, afeta ba komundade Becusse Kakeu Laran, segunda (09/01). Imajen Tatoli/Francisco Sony

DILI, 15 janeiru 2024 (TATOLI)– Xefe Relasaun Externa no Komunikasaun Autoridade Protesaun Sivíl (APC), Cesário da Silva Marques, relata situasaun inundasaun ne’ebé akontese iha loron 9 janeiru rezulta uma-kain 432 sofre inundasaun no ema na’in-ualu kanek  .

“Ita rejista uma-kain ne’ebé hetan inundasaun hamutuk 432, maioria númeru vítima inudansaun iha kapitál Díli no iha munisípiu Ainaro ema na’in ida mate tanba mota lori no iha Liquiça mós rejista ema na’in-ida  mate tanba tara-aan,” Xefe komunikasaun ne’e hatete iha Caicoli-Dili.

Nia relata iha munisípiu Ainaro bee sa’e no estraga uma komunidade ida, ema na’in-ualu 8 kanek no na’in-ida mate tanba mota lori, Atauro ani-sobu uma ida, Bobonaru anin sobu uma hitu, Covalima anin-sobu uma ida no bee sa’e estraga uma-kain haat, munisípiu Dili ahi-han uma ida no uma ka’in 386 mak sofre inundasaun.

Iha munisipiu Ermera anin sobu uma ida, uma rua hetan inundasaun na’in ida mate tanba tara-aan, Liquica anin sobu uma haat no inundasaun estraga uma-ka’in 17, Manatutu anin sobu uma ida, Manufahi anin sobu uma ida, RAEOA ahi-han uma ida no munisípiu Viqueque anin sobu uma haat.

Vitima hirak ne’e, nia dehan APC fó ona apoiu emerjénsia hanesan foos, mina, supermie, balde no seluk tan no asegura mós vítima sira ne’ebé hetan estragu uma ba iha edifísiu APC.

Daudaun ne’e, APC kontinua halo levantamentu dadus ba vítima sira atu hetan apoia emerjénsia tuir grau estragu hanesan atu hetan materiál konstrusaun hodi bele konstrui uma sira ne’e.

“APC kontinua halo hela levantamentu detallu kona-bá sasan ne’ebé hetan estragu no lakon”, katak

Notísia relevante:Autoridade Protesaun Sivíl asegura vítima inundasaun 131 iha salaun Caicoli

Jornalista: Jesuína Xavier

Editór      : Florencio Miranda Ximenes

iklan
iklan

Leave a Reply

iklan
error: Content is protected !!