DILI, 17 janeiru 2024 (TATOLI)—Governu liuhosi reuniaun ordinária Konsellu Ministru (KM), kuarta ne’e, aprova projetu rezolusaun Governu hodi nomea membru Konsellu Administrasaun Empreza Públika Administrasaun Aeroportu no Navegasaun Aérea Timor-Leste, (ANATL, E.P).
“Projetu Rezolusaun ne’e aprezenta hosi Ministru Transporte no Komunikasaun, Miguel Marques Gonçalves Manetelu,” Ministru Prezidénsia Konsellu Ministru, Agio Pereira, relata hafoin reuniaun ezekutivu, iha Palásiu Governu.
Membru Konsellu ne’e kompostu hosi Romualdo António Soares da Silva ba kargu nu’udár Prezidente iha Konsellu Administrasaun ANATL E.P, Luís Caldeira Alves, Marco Paulo dos Reis Faria de Sousa, Agostinho Castro ba kargu hanesanno Isolino dos Santos Sequeira Sarmento ba kargu Vogál Konsellu Administrasaun.
Notísia relevante : ANATL seidauk rekolla osan hosi vizitante asesu areadór Aeroportu Comoro
Rezolusaun Governu ida-ne’e nomea membru sira ba mandatu tinan-haat.
ANATL hanesan empreza públika ida ne’ebé iha automia administrativa finanseira no patrimóniu rasik, estabelese atu explora no dezenvolve infraestrutura aeroportuária no navegasaun área.
Espasu, área, gabinete, ekipamentu no elementu infraestrutura aeroportuária no navegadaun área, hanesan parte integrante ida hosi domíniu públiku aeroportuáriu hosi ANATL.
Nune’e, bainhira utiliza, okupa ka halo atividade ruma iha área domíniu públiku aeroportuáriu tenke hetan lisensa.
Jornalista : Antónia Gusmão
Editora : Julia Chatarina
