iklan

EDUKASAUN, HEADLINE, MUNISÍPIU, OÉ-CUSSE (RAEOA)

MESSK hala’o teste orál ba estudante 278 iha Oé-Cusse atu asesu rejime hakbiit

MESSK hala’o teste orál ba estudante 278 iha Oé-Cusse atu asesu rejime hakbiit

Diretór Nasionál Ensinu Superiór Iha MESSK, Izinho Alves, hala'o teste oral ba estudante ho família iha RAEOA hosi asesu bolsa hkabiit. Imajen Tatoli/Abílio Elo Nini.

OÉ-CUSSE ,19 janeiru 2024 (TATOLI) – Ministériu Ensinu Superiór, Siénsia no Kultura (MESSK), sesta ne’e hala’o teste orál bá estudante na’in-278 iha Rejiaun Administrativu Espesiál Oé-Cusse Ambeno (RAEOA) atu asesu ensinu superiór públiku.

Diretór Nasionál Ensinu Superiór iha MESSK, Izinho Alves, hateten, programa ne’e bazea diploma ministeriál 46/2023, loron 05, fulan outubru, kona-bá asesu ingresu ensinu superiór públiku liuliu ba Universidade Nasionál Timor-Leste (UNTL) no Institutu Poletéknika Betano (IPB).

Notísia relvante:MESSK hahú loke inskrisaun ba estudante Oé-Cusse atu asesu UNTL no IPB

Diretór nasionál informa,  antes ne’e ekipa ida mai halo ona rejistrasaun iha fulan novembru 2023, rejime espesiál, no  hala’o korresaun, tan ne’e maka, daudaun ne’e ita tama ona faze entrevista ba rejime hakbiit.

Tanba antes ne’e ekipa ida hosi MESSK mai halo ona rejistu rekizitu ida, estudante tenke prienxe, primeiru tenke lori deklarasaun hosi xefe suku no MSSI munisipál.

“Atu hatene deklarasaun sira-ne’e, ita tenkiehalo entrevista, atu haree nia kredibilidade ou nia baze legál sira-ne’ebé maka mumentu sira hatama, ho ida-ne’e atu hatene, sira-ne’e vulnerável duni ka lae, tanba rejime hakbiit ne’e fó ba inan-aman sira-ne’ebé laiha kapasidade finanseiru atu dudu ona sira ba eskola,” Izinho Alves, ba jornalista sira Oé-Cusse.

Nia informa, antes ne’e ekipa MESSK rejista estudante hosi RAEOA hamutuk 278, ba rejime hakbiit, maibé liuhosi entrevista ne’e, sei deteta sira-ne’ebé maka merese duni atu asesu rejime ne’e, ema ne’e  tenke mai hosi família vulneravel.

Notísia relvante:UNTL no IPB submete ona dadus estudante foun 5.120 ba MESSK

Iha biban ne’e, Bento Sasi, nu’udar inan-aman estudante, foin akompaña nia oan tuir entrevista, agradese ba Governu, husu atu implemente tuir kritéria ho loos, katak tenke família vulnerável.

“Ohin ami mai akompaña ami-nia oan sira tuir entrevista, ami espera katak, kritéria ne’e tenke implemeneta ho loloos, tanba ami ne’e agrikultur, laiha kbiit atu fó eskola oan sira ba universidade, ami espera bele liuhosi vaga ne’e,” nia katak.

Jornalista: Abílio Elo Nini

Editór: Evaristo Soares Martins  

iklan
iklan

Leave a Reply

iklan
error: Content is protected !!