iklan

HEADLINE, INKLUZAUN SOSIÁL

DNTT tinan ne’e sei monta sinál ba ema ho defisiénsia iha Dili

DNTT tinan ne’e sei monta sinál ba ema ho defisiénsia iha Dili

Xefe Departamentu Sekretariadu Apoiu Tékniku Administrasaun DNTT, Nelson Sequeira Martins. Imajen Tatoli/Francisco Sony

DILI, 22 janeiru 2024 (TATOLI)—Diresaun Nasionál Transporte Terrestre (DNTT), tinan ne’e, sei monta sinál ba ema ho defisiénsia iha dalan fatin tolu iha kapitál Dili.

Xefe Departamentu Sekretariadu Apoiu Tékniku Administrasaun DNTT, Nelson Sequeira  Martins, sinál sira sei monta iha dalan sira hanesan Fatuhada ETDA, Becora Mococo no Mascarinhas.

“Atu monta ne’e sei haree edifísiu ba ema ho defisiénsia sira, ne’ebé estabelese besik iha estrada sira. Maneira ita monta sinál ne’e, bainhira ema ho defisiénsia sira atu hakat estrada iha ona sinál ba sira atu buti hodi lian, nune’e fó atensaun ba ema sira ne’ebé halo movimentu sei para hodi sira liu,” Nelson Sequeira informa foin lalais ne’e, iha ninia knaar fatin, Caicoli.

Notísia relevante : DNTT sei halo inskrisaun ba motorizada ne’ebé seidauk iha dokumentu

Totál orsamentu ne’ebé prevee atu monta sinál ne’e hamutuk rihun $135 resin.

Iha sorin seluk, Diretór Ezekutivu Asosiasaun Halibur Difisiénsia Matan Timor-Leste (AHDMTL), Gabriel Ponsiano de Sousa, agradese ba Governu liuhosi DNTT ne’ebé bele monta ona sinál iha dalan públiku sira.

“Maibé ha’u husu ba DNTT karik antes atu monta ka monta hotu tenke halo sosializasaun ba ema ho defisiénsia sira atu nune’e sira bele utiliza sasán sira ne’e,” nia fó hanoin.

Jornalista     : Arminda Fonseca

Editora          : Julia Chatarina

iklan
iklan

Leave a Reply

iklan
error: Content is protected !!