iklan

COVALIMA, HEADLINE

Reabilitasaun sede suku 12 iha Covalima atinje 84%

Reabilitasaun sede suku 12 iha Covalima atinje 84%

Diretór Interinu PNDS Cavalima, Pedro de Araújo Gomes. Imajen Tatoli/Celestina Teles.

COVALIMA, 22 janeiru 2024 (TATOLI) – Diretór Programa Nasionál Dezenvolvimdtentu Suku (PNDS) Covalima, Pedro de Araújo Gomes, informa reabilitasaun sede suku 12 faze datoluk ne’ebé implementa iha munisípiu Covalima atinje ona 84%.

“Progresu reabilitasaun rede suku 12 ne’ebé ita implementa iha postu Fohorem, Maucatar no Tilomar nia progresu atinje ona 83,85%”, Pedro de Araújo Gomes hatete, ohin.

Progresu fíziku sede 12 atinje pursentu refere, tanba reabilitasaun sede suku iha postu administrativu Maucatar, sede suku Holpilat nia progresu atinje 80%, sede suku Ogues, Matai no Belekasak 100%.

Reabilitasaun sede suku Fohorem iha ona 78,9%, Laktos 55,2%, Dato-rua 25% no Dato-Tolu 68 %. Iha postu Tilomar, sede suku Lalawa 99% no Maudemo, Beiseuk no Casabauk 100%, falta tékniku halo sertifikasaun.

Progresu fíziku ne’ebé la’o iha terenu balun atinje seidauk atinje 100%, tanba reabilitasaun balun foin tama iha faze foru sede suku laran, balun foin taka zinku, balun foin monta azuleju, plafón no odamatan.

Nia esplika katak reabilitasaun sede suku balun seidauk konklui tanba badaen mak serbisu dupla hodi halo konstrusaun Uma Naroman ba Povu (UNP) no reabilitasaun sede suku.

“Tanba ne’e, PNDS buka solusaun hodi konvoka reuniaun ho komunidade atu troka badaen ne’ebé mak serbisu dupla no deside sira tenke serbisu iha fatin ida de’it”, dehan.

Orsamentu reabilitasaun sede 12 ne’ebé implemente iha postu tolu ne’e ho montante rihun $144, ne’ebé kada sede suku aloka rihun $12.

Xefe Suku Maudemo, Maria Fátima, hatete reablitasaun ba sede suku ba faze datoluk, iha suku Maudemo, postu Tilomar atinje ona 100% no daudaun utiliza ana fatin refere.

Jornalista: Celestina Teles

Editora: Maria Auxiliadora

iklan
iklan

Leave a Reply

iklan
error: Content is protected !!