Top

Governu rekruta membru PNTL foun iha tinan ne’e pertinente

Komandante Jerál PNTL, Komisáriu Hendrique da Costa, vizita komandu PNTL Baucau iha Vila Nova, segunda (15/01). Imajen Tatoli/Natalino Belo.

DILI,  24 janeiru 2024 (TATOLI)—Membru komisaun B trata asuntu Negósiu Estranjeiru no Defeza ho Seguransa iha Parlamentu Nasionál (PN), Deputadu David Dias Ximenes, konsidera Governu halo rekrutarekrutamentu ba membru Polísia Nasionál Timor-Leste (PNTL) foun iha tinan ne’e pertinente tebes.

Notísia Relevante: Governu planeia rekruta membru PNTL-UPF foun 100 iha 2024

“Rekrutamentu PNTL ne’e pertinente tebes, tanba kuandu komisaun B ba halo fiskalizasaun iha fronteira postu ida as vezes iha ema ida (1) de’it ka na’in-lima (5), ne’e sala. Ita atu komanda ema-ne’e tenke seksaun, ne’e ita tenke hatene didi’ak. Tanba, seksaun ne’e presiza iha ema na’in-12,” nia hateten ba jornalista sira iha uma fukun PN, kuarta ne’e.

Tanba ne’e, nia husu, presiza halo rekrutamentu ba membru PNTL foun hodi koloka iha liña fronteira atu reforsa no asegura seguransa.

“Entaun iha ne’e ami ejize halo duni rekrutamentu ba postu sira la prienxe kritériu, pertinente ne’e rekrutamentu,” nia hateten.

Deputadu ne’e hateten, rekrutamentu ne’e tenke hare ema ho didi’ak tanba PNTL ne’e ho misaun  hodi garante orden seguransa trankuilidade públiku, proteje ema ho ema-nia sasán, no prevene ema hosi kriminalidade atu kontribui asegura funsionamentu instuisaun demokrátiku no garante direitu Liberdade, respeitu ba legalidade demokrátika polísia ninian.

Atu hala’o ida-ne’e iha pontu tolu ne’ebé dahuluk bolu vizibilidade iha ne’ebé de’it, iha polísia nia prezensa permanente no povu ne’e serbisu hamutuk, nune’e seguransa garantidu no ho polísia nu’udar ajente seguransa la’ós atu hela iha markas laran, nune’e nia aproximasaun makaas ba sidadaun sira tanba hanesan ajente seguransa.

Tanba, nia dehan, durante ne’e komisaun B observa katak vizibilidade polísia sei menus tanba iha kalan hosi tuku 08h00 to’o 10h00 inklui loron sábadu ho domingu sira laiha ona, maibé sira hato’o katak membru la to’o, nune’e espera ho rekrutamentu ne’e pertinente tebes.

Daudaun ne’e, membru PNTL iha territóriu nasionál hamutuk 4337, no komandu PNTL rasik fó sai ona katak hato’o ona proposta ba Ministériu Interiór  (MI) atu iha tinan ne’e halo rekrumentu ba membru PNTL foun hamutuk 200-resin.

Jornalista : Nelson de Sousa

Editór        : Cancio Ximenes   

Publisidade

Leave a Reply

Latest Post

error: Content is protected !!