iklan

HEADLINE, MUNISÍPIU, OÉ-CUSSE (RAEOA), POLÍTIKA

Primeiru Ministru Xanana hala’o enkontru espesiál ho Autoridade RAEOA-ZEESM

Primeiru Ministru Xanana hala’o enkontru espesiál ho Autoridade RAEOA-ZEESM

PM Xanana enkontru espesiál ho estrutura foun ba RAEOA no ZEEM. Imajen Tatoli/Abílio Elo Nini.

OÉ-CUSSE, 30 janeiru 2024 (TATOLI) – Primeiru Ministru (PM), Kay Rala Xanana Gusmão, hala’o eskontru ‘espesiál’ ho estrutura foun Autoridade Rejiaun Administrativa Espesiál Oé-Cusse Ambeno hamutuk no Komisaun Zona Ekonómia Sosiál Merkadu Timor-Leste EESM (ZEESM) iha salaun IADE Oé-Cusse, segunda ne’e.

“Mídia sira favór bele sai hosi fatin ne’e, ha’u husu imi bele sai,” Primeiru Ministru Xanana Gusmão ko’alia iha salaun IADE Oé-Cusse.

Notísia relevante: Rogério Tiago Lobato nomeadu nu’udar Prezidente Autoridade RAEOA ba tinan-lima

Observasaun Agência Tatoli, iha enkontru ne’e marka prezensa mos hosi Sekretária Estadu komunikasaun Sosiál, Expedito  Dias Ximenes,  Prezidente Autoridade RAEOA, Rogério Tiago Lobato, ho nia asesór prinsipál Agustinho Caet, no Koordenadór Komisaun ZEESM-TL, João Mendes Gonçalves, akompaña ho Vise-Koordenadór, Régio da Cruz Salu no Herculano de Sousa.

Nune’e mós partisipa hosi membru Autoridade sira hanesan, André Lao, Sekretáriu Rejionál ba Asuntu  Administrasaun, Elvira Manat, Sekretária Rejionál ba Asuntu Finansa, Luís de Jesus Neno, Sekretáriu Rejionál ba Asuntu Saúde.

Nune’e mós  Inácia Tamele, Sekretária Rejionál ba Asuntu Edukasaun no Asuntus Sosiál, Filomena Sila, Sekretária Rejionál ba Asuntu Agrikultura, no Marcelino Marques Coro, hanesan Sekretáriu Rejionál ba Asuntu Terra  Propriedade no Rejistu Notariadu.

Enkontru espesiál ne’e hahú iha oras tuku 09:00 dadeersan no remata iha tuku 10:30, kontinua kedas hala’o enkontru ho diretór, xefe departamentu no fusnionáriu sira to’o tuku 12:40.

Notísia relevante: Rogério Lobato sei serbisu maka’as ba dezenvolvimentu Oé-Cusse

Tuir ajenda kona-bá serimónia tomada pose ba estrutura foun ba RAEOA no ZEESM sei hala’o iha loron kuarta, 31/01/2024, iha otél Ambeno Oé-Cusse.

Jornalista: Abílio Elo Nini

Editór: Evaristo Soares Martins  

iklan
iklan

Leave a Reply

iklan
error: Content is protected !!