DILI, 31 janeiru 2024 (TATOLI)—Komisaun E trata asuntu Infraestrutura iha Parlamentu Nasionál (PN), kuarta ne’e, tun direta ba iha aeroportu Internasionál Prezidente Nicolau Lobato, Comoro, ligasaun ho papa Francisco ne’ebé atu mai vizita Timor-Leste iha tinan ida-ne’e.
Notísia Relevante: Igreja hein data fiksu Papa Francisco vizita Timor-Leste hosi Vatikanu
“Ohin, ami iha aeroportu Internasionál Nicolau Lobato hodi haree direta kondisaun no simu informasaun atu halo reabilitasaun ba aeroportu liga ho informasaun Papa Francisco atu mai vizita Timor-Leste,” Prezidente Komisaun E, Marcos Xavier, hateten ba jornalista sira hafoin observa kondisaun aeroportu.
Tuir informasaun hosi Administração da Navegação Aérea de Timor-Leste (ANATL) estabelese ona ekipa ida entre liña ministeriál, iha tempu badak sei halo reabilitasaun ba aeroportu liga ho Papa Francisco atu mai vizita Timor-Leste ne’e.
Ho nune’e, ANATL forma ona ekipa ida entre liña ministeriál hodi esforsu makaas oinsá bele halo reabilitasaun iha tempu badak hodi bele prepara kondisaun atu bele simu Papa Francisco nia vizita.
Nune’e membru hosi órgaun lejislativa ne’e fiar katak Estadu Timor-Leste sei prepara kondisaun di’ak atu bele simu líder igreja katólika iha mundu ne’e.
Notísia Relevante: Tinan ne’e, Papa Francisco konfirmadu vizita Timor-Leste
Jornalista : Nelson de Sousa
Editór : Cancio Ximenes
