DILI, 31 de janeiro de 2024 (TATOLI) – Primeiru-Ministru Kay Rala Xanana Gusmão, kuarta fó pose bá Prezidente Autoridade Rejiaun Administrativa Espesiál Oé-Cusse Ambeno, Rogério Tiago Lobato no Koordenadór Komisaun Zona Espesiál Ekonomia Sosiál no Mercado (ZEESM), João Mendes Gonçalves, iha otél de Ambeno, Oé-Cusse.
Primeiro-Ministru Xanana Gusmão, agradese Rogerio Tiago Lobato, ne’ebé hakarak lidera RAEAO bá mandatu tinan lima.
“Kuandu emposadu foun sira la servisu ho didi’ak iha tinan rua ka tolu bele sai no ema seluk ne’ebé kompetente bele lidera hikas. Ha’u apelu ba estrutura RAEAO evita servisu ho interese partidu. Tenke foka ba dezenvolvimentu ho prósperu,” Xanana apela.
Xefe Governu hateten, Prezidente foun no ekipa bele konta ho Governu Sentrál nia apoia hodi mellora prosesu dezenvolvimentu iha rejiaun.
Membru Autoridade RAEOA foun mak hanesan André Lao, nu’udar Sekretáriu Rejionál ba Administrasaun; Elvira Manat, nu’udar Sekretária Rejionál bá Finansa; Luís de Jesus Neno, nu’udar Sekretáriu Regional ba Saúde; Inácia Tamele, nu’udar Sekretária Rejionál ba Educação no Asuntu Sosiál; Filomena Sila, nu’udar Sekretária Rejionál ba Agrikultura; no Marcelino Marques Coro, nu’udar Sekretáriu Rejionál Terras no Propriedade, Rejistu no Notariadu. Nune’e mós vise-koordenadór ZEESM, Régio da Cruz Salu no Herculano de Sousa.
Prezidente Autoridade RAEOA, Rogério Tiago Lobato, agradese ba konfiansa hosi Primeiru Ministru Kay Rala Xanana Gusm ao.
Notísia relevante: Rogério Lobato prioriza bee-moos nu’udar ajenda prinsipál iha RAEOA
Jornalista: Abílio Elo Nini
Editór: Evaristo Soares Martins
