iklan

DILI, POLÍTIKA

Reprezentante povu husu MKI implementa subsídiu faan foos to’o área rurál

Reprezentante povu husu MKI implementa subsídiu faan foos to’o área rurál

Foos folin sa’e iha merkadu Covalima. Imajen Tatoli/Celestina teles.

DILI, 06 fevereiru 2024 (TATOLI)—Reprezentante povu iha uma fukun Parlamentu Nasionál (PN) husu Ministériu Komérsiu Indústria (MKI) atu kontinua nafatin implementa subsídiu faan foos ba to’o área rurál sira iha territóriu.

Notísia Relevante: Empreza importadora rua sei ezekuta subsídiu foos faze daruak

Presukopasaun ne’e hato’o hosi Deputadu FRETILIN, José da Crus no Deputada PLP, Ermenegilda da Costa Laurentina, iha intervensaun reuniaun plenária iha Parlamentu Nasionál (PN).

“Hakarak husu kona-ba foos subsídiu ida-ne’ebé mak fó ba emprezáriu ne’e sei iha ka lae, tanba agora rai udan ne’e, komunidade iha postu sira-ne’e susar tebes, liuliu iha ha’u-nia munisípiu iha postu Lolotoe, foos folin sa’e makaas. Maibé, sira até agora la hetan foos subsídiu ne’ebé mak emprezáriu sira halo distribuisaun, subsídiu foos ne’e iha karik bainhira mak halo distribuisaun,” ’Deputadu José da Crus hateten iha plenária, tersa ne’e.

Tanba ne’e, nia husu MKI atu halo koordenasaun ho emprezáriu sira-ne’ebé hetan kontratu implementa subsídiu faan foos atu ba oin kontinua implementa, karik bele distrbui ba to’o komunidade iha nível postu ne’ebé durante ne’e la konsege hetan subsídiu foos.

Deputada PLP, Ermenegilda da Costa Laurentina, hateten medida saida mak Governu sei halo hodi redús folin foos iha merkadu, tanba realidade maske Governu fó ona subsídiu foos ba kompañia sira hodi hatun folin foos maibé povu nafatin halerik ba folin foos ne’ebé sa’e kada loron.

Iha reuniaun plenária ne’e, Vise Ministru ba asuntu Parlamentár, Adérito Hugo da Costa, la marka prezensa iha sesaun reuniaun plenária tanba partisipa hela reuniaun Konsellu Ministru (KM) extraordináriu, maibé tékniku sira rejista preokupasaun hosi Deputadu sira-nian ne’e.

Notísia Relevante: Empreza Creative Furak hein karimbu molok implementa subsídiu foos faze daruak

Jornalista : Nelson de Sousa

Editór        : Cancio Ximenes

iklan
iklan

Leave a Reply

iklan
error: Content is protected !!