iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

João Gonçalves sei submete relatóriu estabelesimentu ZEESM bá Konsellu Ministru

João Gonçalves sei submete relatóriu estabelesimentu ZEESM bá Konsellu Ministru

Koordenadór Zona Espesiál Ekonomia Sosiál Merkadu (ZEESM), João Mendes Gonçalves. Imajen espesiál

OÉ-CUSSE, 08 fevereiru 2024 (TATOLI) – Koordenadór Zona Espesiál Ekonomia Sosiál Merkadu (ZEESM), João Mendes Gonçalves, sei sudmete relatóriu kona-bá estabelesimentu ZEESM iha Rejiaun Administrativa Espesiál Oé-Cusse Ambeno bá Konsellu Ministru.

“Ami-nia servisu konserteza imi hatene ona, nomeasaun hosi Konsellu Ministru  atu prepara halo estudu ida kona-bá estabelesimentu ZEESM iha Oé-Cusse, tanba programa ZEESM anteriór, ne’ebé iha ladún reflete objetivu ne’ebé maka Governu hakarak hodi lori dezenvolvimentu iha Oé-Cusse ba oin no hadi’a povu Oé-Cusse nia moris,” João Gonçalves, ko’alia iha Oé-Cusse, kinta ne’e .

Nia dehan, buat sira-ne’e hotu maka iha revizaun ba lei RAEOA nian, agora daudaun ekipa mai ne’e, atu halo estudu ida atu haree saida maka la’o di’ak no saida maka la’o ladún di’ak, tanba saida maka lala’o di’ak no problema saida.

“Nune’e ha’u bele halo relatóriu ida hodi informa ba iha Konsellu Ministru hodi foti desizaun, maibé planu prioridade ne’ebé ha’u iha ona, primeira ami sei halo retóriu Estadu rejiaun, sei buka, saida maka ita halo ona iha Oé-Cusse, no saida maka presiza hatutan, nune’e ba oin ne’e lori prosesu dezenvolvimentu ne’e la’o ho di’ak,” nia afirma.

Planu segundu nian maka, presiza prepara ona enkuadramentu legál, konserteza ba estabelesimentu instituisaun ka entidade ne’ebé maka sei kaer dezenvolvimentu iha RAEOA nian no projesaun orsamentál ba implementasaun planu ne’e.

“Ida-ne’e maka ami sei halo, ami foin tomada de pose iha loron 31 janeiru, presiza fasilidade atu apoia servisu, ha’u mós sei presiza rekursu umanu atu apoia ba servisu ida-ne’e, ha’u persiza peritu iha kada área setóriál ne’e, sira bele foti dadus prepara relatóriu kona-bá servisu peskiza ho investigasaun ne’ebé sei iha halo, depois ami bele prepara ona relatóriu Estadu rejiaun,” nia informa.

Notísia relevante:PM Xanana husu Atoni-oan hamutuk ho Autoridade foun dezenvolve ekonomia sosiál iha Oé-Cusse

Eis Ministru Ekonomia no Dezenvolvimentu ne’e, haktuir, bainhira iha ona relatóriu Estadu rejiaun, avansa kedas ba preparasaun planu, konforme desizaun hosi Konsellu Ministru, servisu ne’e ba tinan ida nian.

“Maibé ha’u sei esforsa-an atu hamenus tempu realizasaun ida-ne’e, sekarik bele hamenus hodi posibilita ami aprezenta antes, sei Governu iha intensaun aprezenta orsamentu retifikativu, ita bele enkaixa ona iha orsamentu iha orsamentu retifikativu atu avansa ona ho estabelesimentu ZEESM no prepara ona entidade, hodi komesa hahú halo ona servisu,” nia katak.

Entretantu, João Mendes Gonçalves hetan nomeasaun hosi IX Governu Konstitusionál lideradu Primeiru Ministru, Kay Rala Xanana Gusmão, no simu pose nu’udar koordenadór ZEESM, no dezigna Régio da Cruz Salu no Herculano de Sousa hanesan Vise-Koordenador.

Notísia relevante: Rogério Lobato sei serbisu maka’as ba dezenvolvimentu Oé-Cusse

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!